Sapar asa mańyzdy, sonymen qatar, nátıjeli bolady degen boljam bar. О́ıtkeni, ol − halyqaralyq áriptestik jolyndaǵy «Beldeý jáne Jol» forýmynan keıin ótkeli otyrǵan alǵashqy jıyn. Ol forýmda Sı Szınpın men Nursultan Nazarbaev yntymaqtastyqtyń bolashaǵyn talqylaý úshin ońasha kezdesken bolatyn.
Qytaı men Qazaqstan – bir-biri úshin asa mańyzdy kórshiler. 1991 jyly táýelsizdik alǵan ýaqyttan beri eki el úkimetteriniń belsendi is-qımyldary arqasynda Qazaqstannyń Qytaımen qarym-qatynasy damyp kele jatyr. Eki eldiń qarym-qatynasy dıplomatııalyq baılanys ornatýdan jan-jaqty strategııalyq áriptestikke deıingi udaıy damý jolynan ótti. Taraptar saıasat, ekonomıka, qaýipsizdik, mádenı jáne adamı baılanystardyń tereńdigimen maqtana alady. О́zara senim, eki jaqqa da paıdaly, teńdikke negizdelgen yntymaq qytaı-qazaq qarym-qatynastary damýynyń irgetasy boldy. Osy prınsıpter arqasynda taraptar kóptegen mańyzdy nátıjelerge qol jetkizdi.
Máselen, Ortalyq Azııa −Qytaı gaz qubyryn damytý úsh kezeńnen de kedergisiz ótti. Bul kelisimde Qytaı men Qazaqstannyń munaı-gaz salasyndaǵy áriptestigi sheshýshi mańyzǵa ıe. Búginde Beıjiń men Astana energetıka, aýyl sharýashylyǵy, tasymal, baılanys, qurylys, ónerkásip jáne ınfraqurylym salalarynda 26 mlrd AQSh dollarynan asa ınvestısııa quıylatyn 51 iskerlik kelisimdi iske asyrý ústinde.
Nursultan Nazarbaev – qytaı halqynyń burynnan kele jatqan dosy. Ol búginge deıin Qytaıǵa 20-dan asa sapar jasady. Sı Szınpınmen túrli jıyndarda kezdesip, jeke dostyq qarym-qatynas ornatty. Osylaısha eki el arasyndaǵy yntymaqtastyń myqty irgetasy qalandy.
Qazaqstan − «Beldeý jáne Jol» jobasyna qatysýshy ǵana emes, ony belsendi qoldaıtyn el. «Beldeý jáne Jol» aıasyndaǵy alǵashqy forým mamyr aıynda ótti. Bul jıyn atalǵan bastamanyń halyqaralyq deńgeıde keń qoldaýǵa ıe bolǵanyn kórsetti. Jáne ol sońǵy jyldardaǵy eń iri jetistikterdiń biri boldy. Máselen, «Beldeý jáne Jol» jobasy men Qazaqstannyń «Nurly jol» Jańa ekonomıkalyq saıasaty arasynda áriptestiktiń tereńdeýi eki jaqqa da tıimdi bolashaqtan habar beredi.
Qytaı men Qazaqstan negizin salýshy elder retinde Shanhaı yntymaqtastyq uıymyn damytýǵa mańyzdy úles qosty. Olar uıym aıasyndaǵy kóptegen máselelerge qatysty úılesimdi pozısııa ustanyp keledi.
Sapar kezinde Sı Szınpın ShYU elderi basshylarynyń 17-shi sammıtine qatysady. Bul uıym qurylǵaly bergi asa mańyzdy jıyndardyń biri bolǵaly tur. Birlestikke jańadan eki el – Úndistan men Pákistan kirmek. Bul uıymnyń qurylǵaly bergi alǵashqy keńeıýi bolmaq. Geosaıasat jáne halyqaralyq deńgeıdegi yqpaly boıynsha ShYU keleshekte úlken ózgerister ákeledi degen boljam bar. Tıisinshe oǵan halyqaralyq qoǵamdastyqtyń nazary da kóbirek aýatyn bolady.
Álemdik qarjy daǵdarysy áli aıaqtalmaǵan, batys elderi ishki jáne syrtqy máselelerde tyǵyryqqa tirelip, tereńnen qaıta qurý kezeńinde turǵan qazirgi jahandyq jaǵdaıda Qytaı ósim úrdisin kórsetip, álemge yqpaly kúsheıgenin kórsetýde.
Sı Szınpınniń sapary Qytaı men Qazaqstannyń strategııalyq jan-jaqty yntymaqtastyǵyn burynǵydan da nyǵaıtady jáne ShYU jumysyna jańa serpin beredi dep kútilýde.
Iаn JIN, ShYU Zertteý ortalyǵy jetekshisiniń orynbasary