Sıfrlardy sóıletsek

Jalpy, Aqmola oblysy boıynsha ındýstrııalandyrý kartasyna 12,3 myń adamdy turaqty jumys oryn­da­rymen qamtıtyn quny 782,5 mlrd teń­ge bolatyn 90 joba eń­gi­zil­gen. Bul rette respýblıkalyq Indýs­t­rııa­­­landyrý karta­synda 2 joba qa­­ras­tyrylǵandyǵyn ataı ketken oryn­­dy. Sonyń birinshisi quny 13,1 mlrd teńgelik «Qazatomónerkásip» kú­kirt qysh­­qyly zaýyty BK» JShS bol­sa, ekinshisi quny 459,3 mlrd teń­ge­ge júzege asyrylǵan «Masalskıı GOK» JShS. Memleket basshysy N.Nazar­ba­evtyń 2017 jyldyń 31 qań­ta­ryn­da­ǵy «Qazaqstannyń úshinshi jań­ǵy­rýy: jahandyq básekege qabilettilik» at­ty Qazaqstan halqyna Joldaýynda ja­ńa­dan ashylǵan jumys oryndarynyń sa­ny  burynǵysha Úkimet pen ákimder qyz­me­tiniń tıimdiligin baǵalaýdyń negizgi krıterııiniń biri bolatyny erekshe atalǵan. Osyǵan sáıkes óńirde óndiris oshaqtaryn salý, jańa jumys oryndaryn ashý qyzý júrgizilip jatyr. Oblys ákimi Málik Myrzalın jańa jumys oryndaryn ashý isine erekshe yqylas qoıyp, naqty jumystar aýqymyn aı­qyn­dap berdi.

Bul oraıda óńirlik kásipkerlikti qol­daý kartasyna sáıkes 9,4 myń adam­dy turaqty jumys oryndarymen qamtamasyz etetin quny 310 mlrd teń­ge­lik 88 joba júzege asyrylýda. 2017 jyl­dyń 1 mamyryna qarasty 6,8 myń turaqty jumys oryndaryn ashýǵa múm­kin­dik bergen quny 158,8 mlrd teńgelik 72 joba iske qosylǵan.

Al ındýstrııalyq-ınnovasııalyq damý baǵdarlamasynyń ekinshi bes­jyl­dyǵy sheńberinde (2015-2019 jyldar) 7,1 myń turaqty  jumys ornyn qurýǵa múmkindik beretin quny 661 mlrd teńgelik 41 joba iske asyrylýda. Ústimizdegi jyldyń 1 mamyryna qa­ras­ty josparly qýatyn ıgerý boıynsha 39 jobanyń oryndalýy 90 jáne odan joǵary paıyzǵa jetipti. Al 21 jobanyń oryn­dalýy 50 men 90 paıyzdy qurasa, al 5 jobanyń 50 paıyzǵa oryndalǵan.   

Iske asyrylǵan jobalardyń ná­tı­je­sinde 2017 jyldyń qań­tar-sáýirinde ón­dirilgen ónim kóle­mi 82,8 mlrd teń­gege jetti. Bul oraıda óni­miniń 50,5 paıyzy Indýs­trııa­lan­dyrý kartasy boıynsha iske qo­sylǵan kásiporyndar tarapynan shyǵarylǵan, al qaıta óndeý óner­kásibiniń úlesi 57,5 paıyzǵa jetken. 2017 jyldyń qańtar-naý­ry­zy­nda Indýstrııalandyrý kartasyna qa­ty­sýshy-kásiporyndar tarapynan memlekettik bıýdjetke 9 mlrd teńge kiris kirse, ol jalpy salyqtyq túsim­der­diń 28,5 paıyzyn qurap otyr.  Qa­zir­gi kezde kóptegen kásiporyndar óz­deriniń óndiris kólemin arttyrýǵa múdde­lilik tanytýda. Atap kór­set­ken­de, mıneraldy  shıkizatty qaıta óń­deıtin altyn óńdeý fabrıkasy «Invest-RT» JShS (Stepnogor qa­lasy) shıkizat óńdeý kólemin 108 myń tonnaǵa deıin arttyrýdy mejelep otyr. Budan basqa, «SAMHAT»  JShS (Selınograd aýdany) aıaq kıim óndirisi  jelisin qosyp, aıaq kıim tigý kólemin 500 myń parǵa jetkizýdi kózdeýde. Al «PO «Kókshe-Sement» JShS semen zaýytyn salyp, 2 mln tonna ónim óndirýdi qolǵa aldy. О́z kezeginde «BIOTRON GROUP» JShS (Stepnogor qalasy) aýylsharýashylyq maldaryna arnap vaksına shyǵarýdy 1 mln dozaǵa deıin shyǵarýdy  josparlap  qoıǵan. «Kazahaltyn Technology» JShS (Stepnogor qalasy) Aqsý ken ornynda altyn óndeý fabrıkasyn salmaq.

Osylaısha óńirde ındýstrııany damy­tý arqyly jumyspen qamtýdyń já­ne aza­mattardyń naqty tabysyn artty­rý­dyń joldary jan-jaqty ek­shelip, iske asyrylýda.

Asqar TURAPBAIULY, «Egemen Qazaqstan»

Aqmola oblysy