Brıtandyq «British Lionhearts» komandasyna qarsy ótken jartylaı fınaldyń alǵashqy kezdesýinde «arlandarymyz» 4:1 esebimen jeńiske jetken bolsa, syrt alańdaǵy qarymta kezdesýde de 3:2 esebimen basym tústi.
Londonda ótken boks keshiniń shymyldyǵyn 52 kılodaǵy bylǵary qolǵap sheberleri ashty. «Arlandar» sapynan alǵash sharshy alańǵa Oljas Sáttibaev shyǵyp, qarsylasy Dın Farreldy 2:1 esebimen utty. Osylaısha, «arlandar» kezdesýdi jeńispen bastady. Ekinshi kezdesýde Zákir Safıýllın (60 kg) qarsylasy Chad Mılnsdy eki raýndta eki ret nokdaýntqa jibergen soń, Chad jekpe-jekti jalǵastyrýdan bastartty. 69 kılo salmaqta rıngke shyqqan Aslanbek Shymbergenov «British Lionhearts» komandasynyń úndistandyq legıoneri Kýmar Manodjdan tóreshilerdiń biraýyz sheshimimen basym tústi.
Al, 81 kılodaǵy Arman Rysbek WSB jobasyndaǵy alty jekpe-jeginen keıin birinshi ret jeńiliske ushyrady. Ol Tomas Ýıtakker-Hartýdan 1:2 (45:50, 49:46, 45:50) esebimen jeńilse, asa aýyr salmaqtaǵy debıýtant Nursultan Amanjolov óziń alǵashqy jekpe-jeginde utylyp qaldy. Amanjolov úshinshi raýndta nokdaýntqa túsip qalǵan soń «arlandar» bapkeri alańǵa oramal laqtyryp, kezdesýden bas tartty.
«Astana arlandary» men «British Lionhearts» komandalary arasyndaǵy jartylaı fınaldyq kezdesý 7:3 esebimen qazaqstandyq komandanyń jeńisimen aıaqtaldy. Arlandardyń fınaldaǵy qarsylasy 10-shy maýsym kúni kýbalyq «Cuba Domadores» pen kolýmbııalyq «Colombia Heroicos» jekpe-jeginiń jeńimpazy bolmaq. Qos klýb arasyndaǵy jartylaı fınaldyń alǵashqy kezdesýinde kolýmbııalyqtar 3:2 esebimen basym túsken bolatyn.
Eske sala ketsek, byltyrǵy maýsymnyń jartylaı fınalynda «arlandar» dál osy «British Lionhearts» klýbynan utylyp, fınalǵa shyǵa almaı qalǵan edi.
Jetinshi maýsymda «Arlandar» Azııa aımaǵy tobynda О́zbekstan, Reseı, Qytaı boksshylaryn jeńip, toptan birinshi orynmen shyqqan edi. Shırek fınalda reseılik boksshylardy 7:3 esebimen utty.
Aıta keteıik, «Astana arlandary» WSB jobasynda qatarynan jeti maýsym boıy qatysyp kele jatyr. Buǵan deıin, eki ret chempıon atansa, bir ret kúmis jáne úsh ret qola medal ıelengen. Búkilálemdik boks serııasynyń fınaldyq kezdesýi qaı elde ótetini jaqyn kúnderi belgili bolady. Degenmen, fınaldyq kezdesýdi ótkizýi múmkin negizgi úmitker el – Qazaqstan. Bálkim, EHRO-2017 aıasynda Astanada WSB jobasynyń fınalyn kórip qalýymyz múmkin.
Fınaldar tarıhy
I kezeń (2010-2011 jyl)
1-oryn: «Paris United» (Fransııa)
2-oryn: «Astana Arlans» (Qazaqstan)
3-oryn: «Baku Fires» (Ázerbaıjan)
3-oryn: «Los Angeles Matadors» (AQSh)
II kezeń (2011-2012 jyl)
1-oryn: «Milano Thunder» (Italııa)
2-oryn: «Dynamo Moscow» (Reseı)
3-oryn: «Astana Arlans» (Qazaqstan)
3-oryn: «Baku Fires» (Ázerbaıjan)
III kezeń (2012-2013 jyl)
1-oryn: «Astana Arlans» (Qazaqstan)
2-oryn: «Ukraine Otamans» (Ýkraına)
3-oryn: «Milano Thunder» (Italııa)
3-oryn: «Mexico Guerreros» (Meksıka)
IV kezeń (2013-2014 jyl)
1-oryn: «Cuba Domadores» (Kýba)
2-oryn: «Baku Fires» (Ázerbaıjan)
3-oryn: «Astana Arlans» (Qazaqstan)
3-oryn: «Russia Boxing Team» (Reseı)
V kezeń (2015 jyl)
1-oryn: «Astana Arlans» (Qazaqstan)
2-oryn: «Cuba Domadores» (Kýba)
3-oryn: «Russia Boxing Team» (Reseı)
3-oryn: «Mexico Guerreros» (Meksıka)
VI kezeń (2016 jyl)
1-oryn: «Cuba Domadores» (Kýba)
2-oryn: «British Lionhearts» (Brıtanııa)
3-oryn: «Astana Arlans» (Qazaqstan)
3-oryn: «Uzbek Tigers» (О́zbekstan)
Álı Bıtóre
«Egemen Qazaqstan»