Sondaı-aq onyń málimdeýinshe oblys ortalyǵyndaǵy birqatar oıynhanalar turǵyn úıde ornalasqan. Arnaıy ǵımarattaǵylardyń ózine beıne kameralar oıylmaǵan. Kúzetpen qamtylmaǵan. On segiz jasqa tolmaǵan balalar da bás tige beredi. Munyń bári zańǵa qaıshy deıdi E.Mábıev.
Solaı bola tursa da quzyrly organdarǵa olardy jabýǵa ókilettilik berilmegen. Sondyqtan da olar tek ákimshilik jaza berýmen shektelýge májbúr. Taǵy bir kózimiz jetken jaıt oıyn bıznesiniń ortasynda júrgenderdi qylmys ústinde áshkereleý qıynǵa soǵady eken. Munyń mánisi oıynhanalardyń óte saq, jasyryn ári uıymdasqan túrde jumys isteıtininde bolyp shyqty. Árıne munyń ózi zańsyz jumys isteıtin býkmekrlik keńselerge qatysty qylmystyq is qozǵalmaǵan eken degen oıdy bildirmeıdi.
Ashyǵyn aıtqanda aımaqta ótken jyly oıyn bıznesine qatysty qyryqqa jýyq qylmastyq is qozǵalǵan. Alaıda onyń tek úsheýi ǵana sottalypty. Al bıylǵy bes aıda tek jalǵyz adam ǵana isti bolypty. «Aıran ishkender» osylaı qutylyp, sytylyp kete berse oıyn bıznesi kúnderdiń bir kúninde úlken opyq jegizip júrmese ıgi.
Temir Qusaıyn,
AQTО́BE