«Qazaqstan halqy Assambleıasy» ǵımaratynda oblys ákimdiginiń basqarma basshylary, qoǵamdyq uıym jetekshileri jáne tabysty kásipkerler men óńirdegi jastardyń beıresmı kezdesýi ótti dep habarlaıdy «Egemen.Kz» tilshisi.
Erkin formatta ótken jıynǵa 800-den astam jas qatysty. Jastardy baspanamen qamtý, jumysqa ornalastyrý, bızneske baýlý, dinı ekstremızm men terrorızmniń, quqyq buzýshylyqtyń aldyn alý syndy mańyzdy máseleler ortaǵa salyndy.
Jıynda jastardy kásipkerlikke baýlýdyń mańyzdylyǵy sóz bolyp, «Coffee Like» kompanııasynyń quryltaıshysy, jas kásipker Aıat Azımov óz tabysynyń syrymen bólisti. Sondaı-aq, QMDB OQO boıynsha ókil ımamy Ahmetjan Kerimbek jat aǵymdardyń jetegine ketpeýdiń joly – ata dástúrimizge beriktik pen dinı saýattylyq ekenin aıtty.
Baqtııar TAIJAN,
«Egemen Qazaqstan»
Ońtústik Qazaqstan oblysy