Al bıyl joǵarǵy Aqsý men Saıram ózenderi boıynan ınvestısııa kólemi 1,5 mlrd teńge bolatyn 5 MVt elektr qýatyn óndiretin GES paıdalanýǵa beriletin bolady. Sonymen qatar, ol memlekettik baǵdarlamalardyń aýdanda tabysty júzege asyrylýynyń nátıjesinde aýdan ekonomıkasy edáýir artyp, halyqtyń turmys-tirshiligi aıtarlyqtaı jaqsara túskenin aıtty.
«Bıyl aýdan bıýdjetiniń kólemi 17 mlrd. teńgeni qurady. Al Jalpy óńirlik ónim osy jyldyń tórt aıynda 20 mlrd. teńgege jetti. Negizgi kapıtalǵa baǵyttalǵan ınvestısııalar kólemi 1808,9 mln. teńge bolyp, byltyrǵy jyldyń tıisti kezeńimen salastyrǵanda 104,3 paıyzdy qurady. О́nerkásip salasynda osy jyldyń 4 aıynda 7 mln. 456 myń teńgeniń ónimi óndirildi. Onyń ishinde qaıta óńdeý salasynda 6 mlrd. teńgeden astam ónim óndirilse, onyń ónerkásiptegi úlesi 87,9 paıyzdy quraıdy»,-dedi aýdan ákimi.
Sonymen qatar, brıfıng barysynda aýdan ákimi B.Parmanov ındýstrıaldy aımaqta 40 gektar jerge «Nurly shapaǵat» JShS-gi qurylys materıaldyn shyǵaratyn 6 zaýyttyń qurylysyn salýdy josparlap otyrǵanyn jetkizdi.