Dál qazirgi ýaqytta Prezıdentter men Úkimet basshylarynyń kortejderi keshen aýmaǵyna keldi. Álem elderi kútken sharaǵa 17 memlekettiń basshylary men úkimetbasylary qatysatyndyǵy jóninde málimet taratqanbyz. Olardyń qatarynda ShYU Astana sammıtine kelgen QHR Tóraǵasy Sı Szınpın, Reseı Prezıdenti Vladımır Pýtın, Belarýs Prezıdenti Aleksandr Lýkashenko, О́zbekstan Prezıdenti Shavkat Mırzıeev, Qyrǵyzstan Prezıdenti Almazbek Atambaev, Tájikstan Prezıdenti Emomalı Rahmon, Aýǵanstan Prezıdenti Ashraf Ganı Ahmadzaı, Mońǵolııa Prezıdenti Sahıagıın Elbegdorj, Úndistan Premer-Mınıstri Narendra Modı men Pákistan Islam Respýblıkasynyń Premer-Mınıstri Mýhamad Navaz Sharıf bar. Sonymen qatar, Ispanııa koroli Fılıpp VI, Serbııa Prezıdenti Aleksandr Výchıch, Lıýksembýrg Uly Gersogtiginiń Premer-Mınıstri Ksave Bettel kórmeniń resmı ashylýyna mártebeli qonaq retinde keldi.
Uıymdastyrýshylardyń málimetine súıensek, kórme ótetin úsh aıda Astanaǵa 2,4 mıllıon adam keledi. Olardyń 15 paıyzy – sheteldik týrıster.
Ashat RAIQUL, «Egemen Qazaqstan»
Sýretti túsirgen
Erlan OMAROV, «Egemen Qazaqstan»