Mundaǵy 3 kúndik marshrýttyń baǵasy 10-15 adamdyq topqa 62 400 teńge bolsa, 5 kúndik marshrýttyń baǵasy 10-15 adamǵa 106 myń teńgeni qurap otyr.
Olar tarıhı jáne sáýlet eskertkishterin tamashalaýǵa arnalǵan týrıstik nysandar. Máselen, týrıster Túrkistan qalasynda «Áziret Sultan» qoryq-murajaıy men Saýran qalashyǵyna, Otyrar aýdanynda Arystan bab kesenesi men Otyrar qalashyǵy, Báıdibek aýdany boıynsha Aqmeshit úńgiri jáne Domalaq ana kesenesine, al Qazyǵurt aýdanynda «Keme qalǵan» memorıaldy keshenine, «Adam ata – Jer ana» tabıǵı eskertkishin tamashalasa, Tólebı aýdanynda «Saıram-О́gem» memlekettik ulttyq tabıǵı parki men Túlkibas aýdanynda «Aqsý - Jabaǵyly» memlekettik tabıǵı qoryǵyna baryp tanysa alady. Sonymen qatar, Shymkent qalasy boıynsha tanymdyq ekskýrsııa (Dendrosaıabaq, Táýelsizdik saıabaǵy, Naýryz alańy, Báıdibek bı eskertkishi jáne t.b.) uıymdastyrlady.
Munan bólek, oblysta eki etno-aýyl boı kótergen. Bul qonysta qonaqtarǵa halqymyzdyń turmys-salty keńinen nasıhattalady. Munda at basyn burǵandar qazaqtyń ulttyq taǵamdarynan dám tatyp qana qoımaı, ony óz qolymen ázirleýine de jaǵdaı jasalǵan.