Elimizdiń Energetıka mınıstri Qanat Bozymbaev Saýd Arabııasy Koroldiginiń energetıka, ónerkásip jáne mıneraldy resýrstar mınıstri Halıd Abdýlazız Ál Falıhpen kezdesti, dep habarlady 24.kz.
Mınıstrlerdiń júzdesýine Memleket basshylary arasynda aldyn ala jasalǵan ýaǵdalastyq negiz boldy. Kelissóz nátıjesinde eki eldiń hımııalyq kompanııalary yntymaqtastyq týraly memorandýmǵa qol qoıdy. Qujatta Qazaqstanda polıetılen, polıpropılen jáne metanol óndirý jobalaryn iske asyrý múmkindikteri qarastyrylǵan. Sondaı-aq, qos tarap munaı óndirisin úılestirý jáne balamaly energııa kózderin damytý máselelerin de talqylady.
"Saýd Arabııasy Qazaqstanmen áriptestik baılanysty nyǵaıtýǵa múddeli. EKSPO-2017 kórmesiniń ashylýy jahandyq máni zor mereke. Onyń «Bolashaq energııasy» degen taqyryby bizdiń memleket úshin de mańyzy zor", dedi Halıl Abdýlazız Ál Falıh.