Aldaǵy ýaqytta baǵzy zamandardan búgingi kúnge jetken kóne qoljazbalar men sırek kitaptardy tereńnen zertteýge basa nazar aýdarylmaq. Bul baǵyttaǵy alǵashqy qadam retinde turǵyndar nazaryna ejelgi qoljazbalar men sırek kitaptar usynyldy. «Ult murasy – urpaq qazynasy» atty kórme aıasynda 100-den astam biregeı týyndy jınaqtaldy. Shaǵataı, arab, parsy, ıvrıt qarpinde jazylǵan kóne eńbekter 17-18 jáne 19 ǵasyrlardy qamtıdy.
Kórmege qoıylǵan dúnıelerdiń deni «Ǵylymı orda» memlekettik ǵylymı kitaphanasynyń qorynan ákelingen. Qundy qoljazbalardyń qatarynda hákim Abaıdyń óleńderi, ǵulama Máshhúr Júsip Kópeevtiń jazbalary, Jaıaý Musa Berkimbaev, Muhtar Áýezovtiń qoljazbalary, sonymen qatar, Abylaı hannyń Sibir general porýchıgi Ivan Shprıngerge jazǵan haty bar. Qoja Ahmet Iаassaýıdiń ataqty «Danalyq kitaby» men ıvrıt tilindegi Moıseıdiń Tora kitaby da jurtshylyqtyń qyzyǵýshylyǵyn týdyrdy.
- Biz Vatıkan arhıvin bilemiz. Venesııa arhıvin bilemiz. Bizge de qatysty kóptegen derekterdi sol jerden alyp keldik. Qazirgi kezde ózderińiz kórip otyrǵandaı, 7 nemese 13-15 ǵasyrlarda sırek kitaptardyń qoljazbalary búgin, minekı, ortalyqqa jınastyryp, halyqqa kórsetip jatyrmyz. Bul bizdiń keleshek urpaǵymyzǵa kerek, - dedi QR Mádenıet jáne sport mınıstri Arystanbek Muhamedıuly.