Sharany eskek esý sport túrleri boıynsha «Qaıyq» federasııasy «Qazaqstan temir joly» UK» AQ birlesip uıymdastyrdy. Maqsaty – balalardy salaýatty ómir saltyn ustanýǵa baýlý jáne eskek esý sport túrlerine qyzyǵýshylyǵyn oıatý. Shara shymyldyǵyn №4 olımpıadalyq rezervtegi balalalar men jasóspirimder mamandandyrylǵan sport mektebiniń dırektory Qalı Saıt Meıramuly ashty.
Saltanatty bólimnen keıin baıdarka men kanoeda, akademııalyq eskek esý jattyqtyrýshylary balalarǵa qaıyqpen jarys jáne jattyǵý túrinde óner kórsetip, bul sporttyń erekshelikterin aıtyp berdi. Odan keıin sportshylar sheberlikterin kórsetti. Sondaı-aq balalarǵa sport kesheni ishinde ekskýrsııa uıymdastyryldy.
Jattyǵý zalynda jas qonaqtar sportshylardyń arnaıy jattyǵý quraldaryn tamashalady. Tipti, balalar akademııalyq eskek esý sportshylaryna arnalǵan kádimgi ortaǵa laıyqtalǵan eskek esý vannasynda ózderi jumys istep kórdi.
Shara aıaqtalǵan soń «Qaıyq» federasııasynyńvıse-prezıdenti Jasulan Taıtenov pen baıdarka men kanoe boıynsha eskek esýden memlekettik jattyqtyrýshy Qaısar Nurmaǵambetovtyń atynan balalarǵa estelik syı-sııapat berildi.