Mustafa murasyn zerdeleý

Jýyrda El Táýelsizdiginiń 20 jyldyǵyna oraı Astana qalasy ákimdigi men «Qaharman urpaq» qo­ǵamdyq qory belgili alashtaný­shy­lar­men birigip «Táýelsiz Qa­zaqstan jáne Mustafa Shoqaı mu­rasy» at­ty ǵylymı-tájirıbelik konferensııa ótkizdi. Maqsat alashtyń aıryqsha tul­­­ǵa­sy Mustafa Shoqaıdyń tarıhı or­­­nyn jáne onyń el da­mýyna qos­qan úlesin baıyptaý. Túrkistan av­tono­mııa­sy men Alash Ordanyń ult ta­rı­hyndaǵy, táý­el­sizdik bastaý­yn­daǵy mıs­­sııasyn alash qaıratkeri, qalam­ger M.Shoqaı murasy arqyly zerdeleý, onyń adamzat órkenıetine sińir­gen eńbegin jan-jaqty qyry­nan qarastyrý. Jıynǵa tarıhshylar qaý­ym­das­­tyǵynyń prezıdenti, tarıh ǵy­­lym­da­rynyń doktory, professor M. Qoıgeldıev, Parlament Máji­li­si­niń depýtaty J.Súleı­­me­nov, sho­qaı­ta­nýshy A.Káken, L.N. Gý­­­­mı­lev atyn­daǵy EUÝ «Alash» má­denıet já­ne rýhanı damý ınstı­týtynyń dı­rektory, fılologııa ǵylymda­ry­nyń dok­tory, professor D.Qam­za­bekuly, «Qaharman urpaq» qo­ǵam­dyq qo­ry­nyń prezıdenti Q.Elýbaev, Baı­la­nys jáne aqparat mınıstrligi aqpa­rat jáne muraǵat komı­tetiniń bas sarap­shy­sy, epıs­to­lıar­­­lyq mura­ta­ný­shy Ǵ.Isahan, taǵy basqa máde­nı­et­tanýshy ǵa­lymdar men jazýshylar qatysyp, baıandama jasady. Shara barysynda «Musta­fa­ta­ný» – ǵylymnyń bir salasyna aı­na­­­lýy tıis. Osy ýaqytqa deıin el qy­rý­ar kitaptar shyǵardy. Onda M.Sho­­qaı­dyń qaıshylyqqa toly ómi­ri tam-tumdap bolsa da aıty­lyp jatyr. Biraq biz oǵan qa­naǵat­tan­ba­ýymyz kerek. Halqyn, elin osyn­­daı beıbit ómir­ge jetkizý jo­lynda janyn pıda etken alash ar­daq­tysyna áli kúnge to­lyqqandy baǵa berilgen joq», – degen pikirler aıtyldy. Jıyn so­ń­yn­da halyq­ara­lyq «Alash» syı­lyǵy­nyń ıegeri, aqyn Q.Beg­manovtyń jetekshiligimen ázir­lengen «Mustafa Sho­qaı­dyń izimen» atty derekti fılm­niń tu­saýy kesilip, kópshilik nazaryna usynyldy. Fılm jelisinde Mus­­­tafa Shoqaıdyń janazasy shy­ǵa­ryl­­ǵan meshit, Fransııadaǵy qyr­­qyn­da asy berilgen meshit, Pa­rıj­diń Shel qalasyndaǵy Márııam Sho­qaıdyń beıiti tú­gel­deı qam­­­­­tyl­ǵan. «Bizdiń osy týyndymyzǵa Má­rııam Shoqaıdyń kúndeligi bas­ty qujat boldy», – deıdi avtor. ... Alash ardaqtysy úshin mun­daı eleýli, mádenı shara jylyna bir márte bolsa da ótkizilip tursa, nur ústine nur bolar edi. Raýshan TÁÝIRHANQYZY, jýrnalıst.