Tárbıe oshaǵynyń dál osy yqsham aýdanda ashylýynyń ózindik sebepteri bar. О́ıtkeni, qazirgi ýaqytta bul yqsham aýdanda turǵyn úıler kóptep salynyp jatyr, halyq sany da artyp keledi. О́skemen qalalyq bilim bóliminiń bas mamany Aıgúl Erejepova Jibek matalar yqsham aýdanynda 1050 balanyń balabaqsha kezeginde turǵanyn aıtady. "О́skemende jeke menshik-memlekettik seriktestik aıasynda buǵan deıin 19 balabaqsha ashyldy, bul – jıyrmasynshysy. "Aqbota" balabaqshasy osy yqsham aýdandaǵy balabaqsha kezegin azaıtýǵa septigin tıgizedi dep oılaımyn", deıdi ol.
Jańa balabaqshanyń meńgerýshisi Jadyra Shıbutova munda balǵyndardyń 2 jastan bastap qabyldanatynyn, ázirge úsh top bar ekenin, memleket tarapynan ár balaǵa sýbsıdııa tólenetinin aıtty.
«Bul balabaqshanyń ereksheligi, munda logoped pen bı mamanynyń jumys isteıtindigi. Sodan keıin ınnovasııalyq oqytýǵa kóńil bóletindigi. Mundaǵy tárbıeshiler sońǵy tehnologııalardy jetik meńgergen. Sondyqtan balamyzdy osynda berýdi jón dep uıǵardyq», deıdi Injý esimdi búldirshinniń anasy Araılym Musaqanova.
Azamat QASYM,
«Egemen Qazaqstan»
О́SKEMEN
Sýret avtordiki