Sapar maqsaty kórshi jatqan Reseıdiń Chelıabi oblysymen bıznes-yntymaǵyn keńeıtý, eksport máselesin qarap, syrtqy naryqtyń tıimdiligin arttyra túsý bolatyn.
«Basty maqsat eki jaqty jobalardy júzege asyrý, yntymaqtasa jumys isteýdi damytý bolyp otyr. Chelıabi oblysynyń áleýetin biz paıdalanýymyz kerek. Ol arqyly basqa óńirlerge shyǵatyn bolamyz. Osy joly Chelıabıiliktermen Qytaı naryǵyna birlesip shyǵý máselesin talqyladyq» dedi oblys ákimi Arhımed Muhambetov.
Kórshi oblystar barynsha ekonomıkalyq tıimdi jumys isteýge múddeli. Eki jaq kúnbaǵys maıyn óndirý týraly iri jobany qarastyrdy. Tek Qostanaı oblysynda óndirilgen shıkizat jetimsiz bolǵandyqtan, Chelıabi oblysymen birlesip jumys isteý kerektigi aıtyldy. Al Chelıabi oblysyndaǵy qaıta óńdeý kásiporyndaryna jetimsiz shıkizattar Qostanaıdan alynatyn bolady.
Kezdesýde eki memlekettiń basshylary qatysýymen ótetin HIÚ óńiraralyq ekonomıkalyq forýmǵa deıin sheshimin tabýǵa tıisti logıstıka, birlesken jármeńkeler, aýylsharýashylyǵyndaǵy qýatty jobalar týraly máseleler de qaraldy.
Názıra JÁRIMBETOVA
«Egemen Qazaqstan»
QOSTANAI