Baqytjan Saǵyntaev energetıkalyq odaq jónindegi Eýrokomıssııanyń vıse-prezıdentimen energetıka salasyndaǵy yntymaqtastyqty talqylady.
Búgin Úkimet úıinde Qazaqstan Respýblıkasy Premer-Mınıstri Baqytjan Saǵyntaev energetıkalyq odaq jónindegi Eýropalyq komıssııanyń vıse-prezıdenti Marosh Shefchovıchpen energetıka jáne kólik salalaryndaǵy yntymaqtastyq máseleleri jóninde kezdesý ótkizdi, dep habarlaıdy pm.kz.
«Eýropa kúnderi» is-sharasyn ótkizý josparlanǵan EKSPO-2017 kórmesine aıryqsha kóńil bólindi.
«Eýropa kúnderi» bıyl shildede Eýropalyq odaqqa múshe elderdiń pavılondary bazasynda ótedi. Baǵdarlama «Bolashaq ǵımarattaryna arnalǵan ekologııalyq taza energııa tehnologııasy» jáne «Termoıadrolyq energııa: ǵylymı fantastıkadan ǵylymı derekke deıin» taqyryptaryna tanystyrýlar men talqylaýlardan quralǵan eki paneldik sessııadan turady.