Almaty qalasynda dástúrli túrde ótkiziletin halyqaralyq «Kúnshýaq» bı festıvaline bıyl Reseı men Qyrǵyzstandy qosqanda 140-tan astam óner ujymdary qatysyp, Soltústik Qazaqstan oblysynyń namysyn abyroımen qorǵaǵan "Ekspromt" halyqtyq bı teatry Gran-prıdi jáne júldeli birinshi, ekinshi oryndardy jeńip aldy.
Jas bıshilerdiń jetekshisi Alena Marınestiń júrekjardy qýanyshyna qaraǵanda, tórt atalym boıynsha óz ónerlerin kórsetip, úsheýinde olja salǵan. Qazylar alqasy oryndalýy jaǵynan óte kúrdeli "Vdohnovenıe" bıin joǵary baǵalap, Gran prıge laıyq dep sheshken. 11 men 13 jas aralyǵyndaǵy qyzdar ujymy synnan esh súrinbeı ótken.
«Qarsylastarymyz óte kúshti boldy. Ásirese, Astana, Almaty, Oral qalalarynan kelgen qurbylarymyz óz ónerlerimen tańdaı qaqtyrdy», – deıdi "Ekspromt" halyqtyq bı teatrynyń bıshisi Iаna Vaıs.
О́mir Esqalı.
«Egemen Qazaqstan».