Astanada «Sahnadan sálem» degen ataýmen halyqaralyq teatr festıvali bastaldy.
Bıyl dástúrli túrde besinshi márte shymyldyǵyn túrgen mádenı sharaǵa Reseı, Ázerbaıjan, О́zbekstan, Qyrǵyzstan men elimizdiń birneshe óńirinen 10-nan asa beldi óner ujymy qatysady. Festıval KSRO Halyq ártisi, Halyq qaharmany Ázirbaıjan Mámbetovtiń 85 jyldyǵyna arnalyp otyr.
«Sahnadan sálem» alańynda alǵashqy bolyp elordanyń «Jastar» teatry óner kórsetedi. Olar kórermender nazaryna «Asaýǵa tusaý» kommedııalyq týyndysyn usynady.
"Bul festıvaldiń basqa festıvalderden ereksheligi – bul jerde báıge, jeńimpaz degen bolmaıdy. Negizgi maqsat – teatr ónerindegi, onyń damý baǵytyndaǵy jańalyqtardyń betin ashý. Kókeıkesti máselelerdi ortaǵa salyp, onyń sheshý joldaryn qarastyrý", - deıdi Ǵ.Músirepov atyndaǵy teatrdyń kórkemdik jetekshisi Erkin Jýasbek.