Petropavl qalalyq qylmystyq ister jónindegi soty jergilikti basketbolshy Igor Nanaevty óltirdi degen kúdikpen ustalǵan D.Aıbarovty, B. Maqatovty, J. Áskerovti, A. Meńdibaevty jáne O. Elamandy kináli dep taýyp, aldyńǵysyn 9 jylǵa, qalǵandaryn 8 jylǵa bas bostandyqtarynan aıyrǵan bolatyn.
Úkimmen kelispegen qorǵaýshylar oblystyq appelıasııalyq sotqa shaǵym túsirip, qylmystyq istiń birjaqty júrgizilgenin, bir ǵana kýágerdiń jaýabyna súıengenin, oǵan polısııa qyzmetkerleri qysym jasaǵanyn alǵa tartty.
Aıyptaýshy tarap birneshe aıǵaq keltirip, qarsy málimet bergen kýáge ses, kúsh kórsetilgenin aıtyp, úkimniń ózgertilmeýin surady.
Qylmystyq is oblystyq sottyń appelıasııalyq alqasynda qaralyp, aıyptylarǵa qatysty jaza kúshinde qaldyryldy.
О́mir Esqalı, «Egemen Qazaqstan»