Statıstıka málimetterine sáıkes, bıylǵy jyldyń bes aıynda JIО́ boıynsha oń qarqyn baıqaldy, sonyń ishinde, aǵymdaǵy jyldyń qańtar-mamyr aılarynyń qorytyndysy boıynsha ósim ótken jyldyń osy kezeńimen salystyrǵanda 4,1%-dy qurady. Alty mańyzdy salanyń damý qarqynynan turatyn qysqa merzimdi ekonomıkalyq ındıkator 5,8%-ǵa ósti.
О́nerkásipte oń qarqyn baıqaldy – 7,8%, Qyzylorda, Mańǵystaý, Ońtústik Qazaqstan oblystarynan ózge barlyq óńirlerde ónerkásip óndirisiniń deńgeıi boıynsha ósim baıqalǵan. Qurylysta, saýda men kólik salasynda da oń qarqyn belgilengen. Inflıasııa 7,5% deńgeıinde saqtaldy.
QR Premer-Mınıstri Baqytjan Saǵyntaev memlekettik organdardyń basshylaryna jáne óńirlerdiń ákimderine bıylǵy jyldyń nátıjeleri boıynsha ekonomıkadaǵy josparlanǵan ındıkatorlarǵa qol jetkizýdiń keshendik jumystaryn jalǵastyrýdy tapsyrdy.