«Astana Konvensh Bıýro» JShS dırektorynyń orynbasary Asqar Adambekovtyń aıtýynsha, meımandar tarapynan bes nemese tórt juldyzdy qonaqúılerge suranys joǵary, al arzanyraq baǵadaǵy qonaqúı, hostel, jataqhanalarda oryn kóp.
«Kórmeniń alǵashqy kúnderi qonaqúı jelileri 100% toldy. Bes nemese tórt juldyzdy qonaqúılerde tipti bos oryn qalmady. Al basqa nómirlerde, aıtalyq, úsh juldyzdy qonaqúılerde oryn jetkilikti» - dedi A. Adambekov.
Sonymen qatar, qazaqstandyq turǵyn úı oryndaryndaǵy (qonaqúıler) baǵa sheteldikter úshin ǵana emes, eldiń ár óńirinen keletin qonaqtarǵa da qol jetimdi dep sanaıdy Elorda ákimdigi. Baǵanyń tez qubylýyna jol bermeý maqsatynda qala bıligi jalǵa berýshilerdiń arnaıy qaýymdastyǵyn qurdy.
«Biz http://Torlet.com platforma-saıtyn qurdyq. Bul vebsaıt arqyly onlaın turǵyda turatyn oryndy tańdap, brondaýǵa bolady», - dedi Astana qalasy ákiminiń orynbasary Malıka Bekturova medıa ortalyqtyń tilshisine.
Resmı málimetterge súıensek, EKSPO-nyń alǵashqy kúnderi Elordaǵa 10 myńnan astam qonaq kelgen. Álemdik juldyzdardyń konserti ótetin kúnderi men iri sharalar kezinde týrıster jan-jaqtan aǵylady dep kútilýde.