Maýsymda Malta aralynda Monde Selection sapasy halyqaralyq táýelsiz saraptamasynyń jeńimpazdaryn resmı túrde marapattaý rásimi ótken. Márege tek japondyq sý brendy men aınalyp kelgende altyn sapa belgisine ıe bolǵan qazaqstandyq TURAN tabıǵı mıneraldy sýy shyqty. TURAN tabıǵı mıneraldy sýy jasy 15 myń jyldan asatyn jerasty valdaılyq muzdyq kóziniń ornyndaǵy Quskólden (Kókshetaý qyraty, Kókshetaý-Býrabaı) alynady.
Monde Selection halyqaralyq táýelsiz saraptamasynyń Qazylar alqasy Mıshlen restorandarynyń ataqty aspazdarynan, somele, ǵalym-dıetologtardan jáne álemniń tamaq ındýstrııasynyń tehnologtarynan turady. Sondyqtan Monde Selection marapaty búkil álemde ádildigimen joǵary baǵalanyp jáne sózsiz senim uıalatady.
Aldymen Monde Selection sapa belgisi halyqaralyq saraptamasyn tamaq ónimderiniń ındýstrııasy restoran ındýstrııasynyń ataqty Mıshlen juldyzdarymen jıi salystyratynyn aıta ketýge bolady.
Osylaısha tarıhta alǵash ret qazaqstandyq brend halyqaralyq sapa ınstıtýtynyń saraptamasyna iligip, birden jylda altyn ıelenip ketip júrgen japondyq eń úzdik óndirýshilermen bir satydan tabyldy. Endi bul altyn álemdik sapa belgisi retinde TURAN-nyń etıketkasynyń sánin keltirmek.
Asia Waters kompanııasynyń bas dırektorynyń orynbasary Shalqar Nurtileýovtiń aıtýynsha, japondyq ókilder Qazaqstanda shyǵatyn TURAN sýynyń bótelkesin tańdana qaraǵan. Al sýdy tatyp kórgende, dereý baılanys telefondaryn suraǵan.
– Jasyratyny joq, bul biz úshin qandaı maqtanysh bolsa, elimiz úshin de sondaı mártebe. Biz endi Japon memleketine TURAN sýyn eksporttaý usynysyn qarastyryp jatyrmyz, – deıdi Asia Waters kompanııasynyń basshylary.
2017 jyly Monde Selection-da álemniń 80 memleketinen 2156 brend usynylsa, onyń tek 500-i ǵana saraptamaǵa ilikken.
Monde Selection 1961 jyldan beri sýdyń, alkogoldi jáne alkogolsiz sýsyndardyń, irimshikterdiń, shokoladtar men basqa da álemniń kóptegen tamaq ındýstrııasyndaǵy ónimderine saraptama júrgizedi. Saraptama arqyly etıketkada kórsetilgen aqparattyń qanshalyqty sáıkestigin tekseredi. О́nimniń sapasyn anyqtaıtyn otyzdan seksenge deıin aralyqtaǵy ólshemderge sáıkes saraptamadan ótken ónimge qola, kúmis nemese altyn beriledi. Al bul sapany birneshe jyl aralyǵynda ustaǵan jaǵdaıda ónim Grand-altyndy da ala alady.
Aınash ESALI, «Egemen Qazaqstan»