Zań jobasymen Áleýmettik medısınalyq saqtandyrý qoryna tólenetin jarnalar men aýdarymdardyń mólsherlemelerin qaıta qaraý, olar úshin Qorǵa memleketten jarnalar túsetin adamdardyń, sondaı-aq Qorǵa jarnalardy tóleýshilerdiń tizbesin keńeıtý kózdeledi.
Zań jobasymen, sondaı-aq 2018 jylǵy 1 qańtardan bastap Qordy mindetti áleýmettik medısınalyq saqtandyrý (MÁMS) júıesinde jáne tegin medısınalyq kómektiń kepildik berilgen kólemi sheńberinde (TMKKK) biryńǵaı tóleýshi retinde belgileý; capaly dárilik zattardy jáne medısınalyq buıymdardy satyp alý jáne tóleý, olarmen qamtamasyz etý jónindegi biryńǵaı tıimdi tásilderdi qamtamasyz etý úshin zań jobasymen satyp alý jáne dárilik qamsyzdandyrýǵa shyǵystardy tóleý jónindegi quzyretterdi Qor men jergilikti ókildi organdar arasynda bólý usynylady.
Qazaqstan Respýblıkasynyń aýmaǵynda turaqty turatyn sheteldikter men azamattyǵy joq adamdardyń oǵan sáıkes TMKKK alýǵa quqyǵy bolatyn erejelerdi engizý usynyldy.
MÁMS júıesiniń qarjylyq ornyqtylyǵyn qamtamasyz etý maqsatynda múlikke bılik etýge ýaqytsha shekteý belgileýge, múlikpen mámileler jáne ózge de operasııalar jasaýǵa shekteýler qoıýǵa, banktik shottardaǵy Qordyń aktıvterine tyıym salýǵa jol berilmeıdi.
Zań jobasynda uǵymdyq túsindirme men qoldanystaǵy zańnamalyq aktilerdiń keıbir erejelerin endiriletin MÁMS júıesine sáıkes keltirý maqsatynda naqtylaıtyn erejeler bar. Osyǵan baılanysty zań jobasynda Qazaqstan Respýblıkasynyń 21 zańnamalyq aktisine, onyń ishinde Qazaqstan Respýblıkasynyń 6 kodeksine jáne 15 zańyna ózgerister men tolyqtyrýlar engizilgen.
Zań jobasy Palatanyń qaraýyna jiberildi.