Senatorlar áskerı bólimniń materıaldyq tehnıkalyq jaǵdaıymen, áskerı qyzmetshilerdiń turmys-tirshiligimen, qarý-jaraq jáne baılanys quraldary kórmesimen, sondaı-aq jedel maqsattaǵy brıgadanyń jáne «Búrkit» arnaıy otrıady jeke quramynyń jabdyqtalýymen tanysty.
Komıtettiń kóshpeli otyrysy barysynda Ulttyq ulannyń qolbasshysy general-leıtenant Rýslan Jaqsylyqov «Qazaqstan Respýblıkasy Ulttyq ulany týraly» zańdy iske asyrý máseleleri boıynsha baıandama jasady.
Elbasynyń sheshimimen qurylǵan 5573 áskerı bólim Elordadaǵy qoǵamdyq qaýipsizdik pen tártipti qamtamasyz etýge arnalǵan.
Áskerı qalashyqtyń ınfraqurylymy jeke quramnyń kásibı sheberlikteri joǵary deńgeıde bolýyna múmkindik beredi. Onda tehnıkalyq qyzmet kórsetý oryndarymen jabdyqtalǵan avtomobıldik park, áskerılerdiń dene shynyqtyrýyna múmkin jaǵdaılardyń barlyǵy qarastyrylǵan eki qabatty sport kesheni men zamanaýı úlgide jabdyqtalǵan mýltımedııalyq nysana kózdeý tıri bar. Sonymen birge stadıon, sporttyq jáne oqý ǵımarattary, 60 oryndyq lazaret jáne 100 oryndyq ambýlatorııalyq emdeý mekemesi bar.
Áskerı qalashyqta ofıserler men kelisimshart negizindegi áskerı qyzmetshiler jáne olardyń otbasy músheleri úshin 104 páterli turǵyn úı salyndy.
Kóshpeli otyrys barysynda senatorlar Ulttyq ulan týraly zańdy júzege asyrýdyń ózekti tustary men áskerılerdi áleýmettik jáne materıaldyq-tehnıkalyq qamtamasyz etýge qatysty máselelerdi talqylady.