QR Aqparat jáne kommýnıkasııalar mınıstri Dáýren Abaev «Qazaqstannyń 100 jańa tulǵasy» jobasyn qoldaýǵa daıyn qoǵam belsendilerimen kezdesý uıymdastyrdy. Bul týraly ol óziniń Feısbýktegi paraqshasynda habarlady.
«Men qoǵamdyq bastamasyz, tek memlekettik organdardyń kúshimen mundaı jobany uıymdastyrýdyń múmkin emestigin jaqsy bilemin. Sondyqtan Mahabbat Esen, Zınaıda Pak, Pavel Koktyshev, Arman Nurǵazın jáne Erjan Baǵdatovtarmen birge kópshilikke tanymal emes perspektıvti azamattardy izdeý jáne olarǵa qoldaý tanytý boıynsha azamattyq qoǵammen ózara is-qımyldy jolǵa qoıý týraly sheshim qabyldandy», - delingen habarlamada. Sondaı-aq, mınıstr toptyń ázirge «Bıýro 100» dep atalǵandyǵyn aıtady.