Qazaqstanda bıyl qarasha aıynda bala kútimine jəne qamqor bolýǵa arnalǵan mobıldi qosymsha iske qosylady. Bul týraly búgin "Qazaqstanda elektrondyq densaýlyq saqtaýdy damytý" taqyrybynda ótken baspasóz konferensııasy barysynda QR Densaýlyq saqtaý mınıstrliginiń Respýblıkalyq elektrondyq densaýlyq saqtaý ortalyǵy bas dırektorynyń mindetin atqarýshy Oljas Əbishev habarlady.
Onyń aıtýynsha, osyǵan uqsas qosymshalar Ulybrıtanııa, Avstrııa, Shyǵys Eýropa elderinde paıdalanylady.
"2017 jyldyń sońyna deıin patronaj meıirbıkeleri men jas ata-analardyń kishkentaı balalarǵa kútim jasaýyna kómektesýge arnalǵan arnaıy mobıldi qosymshalar iske qosylady. Olar Qazaqstandaǵy Balalar qory (IýNISEF) men Densaýlyq saqtaý mınıstrliginiń Respýblıkalyq elektrondyq densaýlyq saqtaý ortalyǵy arasyndaǵy kelisim negizinde əzirlenedi", dedi Oljas Əbishev.
Jıyn barysynda belgili bolǵandaı, "Patronaj meıirbıkesi" mobıldi qosymshasyn paıdalaný bala týraly derekterdi toltyrý jumystaryn jeńildetedi. Iаǵnı, meıirbıkeler úı jaǵdaıynda balaǵa kóbirek kóńil bóletin bolady.
Gúlnur QÝANYShBEKQYZY, "Egemen Qazaqstan"