Áleýeti zor áskerı bólim

Komıtettiń kóshpeli oty­ry­­synda depýtattar ás­kerı bó­­liminiń ma­terı­al­dyq-teh­nı­kalyq qam­tamasyz eti­lýi­men, áskerı qyz­met­shi­ler­diń turmysy men qarý-ja­raq jabdyǵy jáne baılanys quraldary kórmesimen, sondaı-aq, Jedel maqsattaǵy brıgada jáne «Búrkit», arnaıy maqsattaǵy otrıady jeke qura­my­nyń jabdyqtalýyn kózben kó­rip, jalpy jaǵdaıdyń mán-jaı­ynan habardar boldy. Sonymen qatar, senatorlar oqý qalashyǵyndaǵy áskerı qyz­metshiler uıymdastyrǵan kór­setilim sabaqtaryn da tamashalady. Kezdesý aıasynda Ulttyq ulan basshylyǵynyń qa­ty­sýy­men «Qazaqstan Res­pýb­lı­kasy Ulttyq ulany týraly» Zańnyń iske asyrylýy jaıyndaǵy suraqtar boıynsha dóńgelek ústel ótip, onda atalǵan taqyryp sheńberinde Ult­tyq ulan bas qolbasshysy, general-leıtenant Rýslan Jaqsylyqov arnaıy baıandama jasady.  Búginde qalashyqtyń jalpy aýmaǵy 20 gektar jerdi alyp jatqan áskerı keshenniń negizgi ǵımarattar kesheni 31 115 sharshy metrdi quraıdy. Onyń ishinde shtab ǵımaraty men úsh jaýyngerlik kazarma, eki ashana, tehnıkalyq qyzmet kórsetý oryndarymen jabdyqtalǵan avtomobıl parki, áskerılerdiń dene- shynyqtyrýyna arnalǵan qurylǵylarmen qatar, eki qabatty sport kesheni jáne zamanaýı úlgide jabdyqtalǵan mýltımedııalyq atý tıri bar.  «Elbasymyzdyń arnaıy tap­syrmasy negizinde qu­ryl­ǵan Ulttyq ulannyń bas­ty maqsaty – Astana qala­sy­nyń qoǵamdyq qaýipsizdigin qam­­tamasyz etý. Bul jerde áskerılerge qajet­ti jaǵ­daı­lardyń bar­lyǵy  ja­sal­­ǵan. Al endi osy kúnderi elorda­myz­da EKSPO kórmesiniń ót­kizilýine baılanysty biz­diń bólimge elimizdiń tórt óńi­ri­nen qosymsha áskerıler qyz­metke shaqyryldy. Olarǵa da tıisti deńgeıde jaǵdaı ja­salyp, qoǵam qaýipsizdigi qy­ra­ǵylyqpen qadaǵalanýda dep nyq senimmen aıta alamyn», dedi Ulttyq ulan bas qol­basshysynyń orynbasary Muhametqalı Satov. Munda oń sheshimin tapqan eń mańyzdy máseleniń biri – áskerı qalashyqta ofıserler men kelisimshart negi­zin­de qyzmet etetin áske­rı­ler jáne olardyń otbasylary úshin 104 páterli turǵyn úı turǵyzylǵany bolsa kerek. Aýla ishinde asyr salyp júrgen balaqaılardyń bir­ne­sheý­iniń mańdaıynan súıip, bata­syn bergen Senat depýtaty Muhtar Altynbaev:  «Táýelsizdik jyldarynda áskerı saladaǵy mamandardyń áleýmettik jaǵdaıyn jaqsartý Memleket basshysynyń ba­sym baǵyttarynyń biri bol­dy. Memlekettiń udaıy kó­ńil bólýiniń nátıjesinde biz­de Ulttyq ulan men onyń qyz­metin retteıtin arnaıy zań da qabyldandy. Búgin osy zań ta­laptarynyń oryndalýyn qa­daǵalaý maqsatymen osy bó­limge kelip turmyz. Bul jer­degi jaǵdaıdy óte joǵary baǵalaımyn. Árıne, ómir bolǵan soń túrli jaǵdaılar oryn alyp, birqatar máseleler týyndap jatady. Onyń bárin de osyndaı kóshpeli otyrys­tar aıasynda tıisti deńgeıde sheshetin bolamyz», dedi senator. Jalpy, Astana irgesindegi Úrker shaǵyn aýda­nyn­da ornalasqan áskerı bó­limniń búgingi kelbeti baryn­­sha zamanaý­ı talapqa saı beıimdelgen. Se­bebi, mun­da turǵyndar úshin stadı­on men sporttyq já­ne oqý ǵı­marattary, ja­ńa medı­sı­na­lyq qural-jab­dyqtarmen to­lyq qam­tamasyz etilip, 60 ja­tyn jáne kúndelikti ambý­la­­torııalyq em alý úshin 100 oryndyq lazaret salynǵan. 

Nurlybek DOSYBAI, «Egemen Qazaqstan»