Alqaly jıyndy Mádenıet jáne sport mınıstrliginiń jaýapty hatshysy Qýatjan Ýálıev quttyqtaý sózimen ashty.
Memleket jáne qoǵam qaıratkeri Myrzataı Joldasbekov óz sózinde elektrondyq tehnologııa qaryshtap damyǵanyna qarmastan rýhanı baılyqtyń basty kózi kitap bolyp qala beretinin aıtty.
Budan keıin Iran Islam Respýblıkasynyń Qazaqstandaǵy tótenshe jáne ókiletti elshisi Modashtva Damırchılý, belgili ǵalymdar Tursyn Jurtbaı, Qarjaýbaı Sartqojauly, uly aqyn Abaı Qunanbaıulynyń urpaǵy Láıla Baımaǵambetova sóz sóılep, kitaptyń adamzat ómirindegi mańyzdylyǵyn atap ótti. «Qundy tartý» aksııasy aıasynda S.Seıfýllın atyndaǵy Almaty oblystyq ámbebap ǵylymı kitaphanasynyń dırektory Maqpal Nurǵalıeva, qalamgerler Tabyl Qulııas, Aqaıdar Ysymuly, Tolymbek Ábdiraıymuly Ulttyq Akademııalyq kitaphana qoryna baǵaly kitaptar tartý etti.
«Kitap – tarıh, kitap – qazyna» atty kórmege ár jyldardaǵy Quran basylymdarynyń toptamalary, arab, latyn, shaǵataı jazýlarymen shyqqan kóne kitaptar men qoljazbalar qoıylǵan.
Olardyń ishinde, túrki dúnıesiniń ortaq maqtanyshtary A.Baıtursynovtyń 1909 jyly shyqqan «Qyryq mysaly» men M.Áýezovtyń «Abaı joly» romanynyń avtordyń qoltańbasymen saqtalǵan alǵashqy basylymyn, Abaıdyń parsy tilindegi óleńder jınaǵyn aıryqsha atap ótýge bolady.
Jıyn sońy arnaıy semınar-trenıngter men ǵylymı dáristerge, kúıtabaqtar men eski merzimdi basylymdardyń kórmesine ulasty.
Aıta ketý kerek, Túrki akademııasy halyqaralyq uıymy men QR Ulttyq Akademııalyq kitaphanasy arasynda tyǵyz seriktestik baılanys ornaǵan. Buǵan deıin habarlaǵanymyzdaı, Akademııa 90-nan astam atalym boıynsha ózi ázirlep shyǵarǵan barlyq kitaptaryn atalǵan kitaphana qoryna tartý etken bolatyn.