«Sizderdi tól merekelerińizben shyn júrekten quttyqtaımyn. Oblys basshylyǵy óńirdegi densaýlyq saqtaý mekemelerin materıaldyq-tehnıkalyq turǵydan qamtamasyz etýge barynsha kúsh salyp keledi. 2016 jyly qajetti qondyrǵylarmen jabdyqtaýǵa 1,5 mlrd. teńge bólindi. Mamandarymyz Ulybrıtanııanyń ozyq klınıkalarynda biliktilikterin arttyryp, bilimderin shyńdap qaıtty. Memlekettik baǵdarlamanyń 2016 jyly júzege asyrylý qorytyndysy kórsetkendeı, halyqtyń ómir súrý uzaqtyǵy, turǵyndardyń densaýlyǵy, kórsetiletin medısınalyq kómektiń sapasy sııaqty negizgi medısınalyq-demografııalyq kórsetkishter kóńil qýantady. Buǵan Sizderdiń sińirgen eńbekterińiz zor», - dedi oblys ákiminiń orynbasary Ásem Núsúpova óziniń quttyqtaý sózinde.
Saltanatty shara barysynda oblys ákiminiń orynbasary О́skemen qalasyndaǵy №2 emhananyń terapevt dárigeri Gúlnaz Nurmadıevaǵa, Kúrshim aýdandyq aýrýhanasynyń terapevt dárigeri Baqtykamal Babyshevaǵa, Rıdder qalalyq aýrýhanasynyń hırýrgııa bóliminiń meńgerýshisi Seıithan Baıanbaevqa, Semeı qalasynyń óńirlik týberkýlezge qarsy dıspanseriniń ftızıatr dárigeri Gúljan Raıymovaǵa, Kýrchatov qalalyq aýrýhanasynyń dárigeri Anar Muqataevaǵa Densaýlyq saqtaý mınıstrliginiń «Qazaqstan Respýblıkasynyń densaýlyq saqtaý isine qosqan úlesi úshin» tósbelgisin tapsyryp, oblys ákiminiń Gramotalarymen marapattady.
Reti kelgende aıta keteıik, sońǵy jyldary aımaqta densaýlyq saqtaý salasyna bólinetin qarjy kólemi jyldan jylǵa kóbeıip keledi. Oblystyq densaýlyq saqtaý basqarmasynyń basshysy Marat Shoranovtyń aıtýynsha, atalmysh salanyń bıýdjeti bıyl 73 927 mln. teńgeden 86 961 mln. teńgege deıin artyp, 15 paıyzǵa ósipti. Tegin medısınalyq kómektiń kepildi kólemi bıyl 60 035 mln. teńgeden 66 825 mln. teńgege deıin ulǵaıypty.
«Alda atqarylar sharýa aýqymdy. Jýyqta mindetti áleýmettik medısınalyq saqtandyrý júıesin engizemiz. Bul oraıda medısına qyzmetkerlerine júkteler jaýapkershilik júgi salmaqty. Qazirgi ýaqytta oblys basshylyǵy tarapynan densaýlyq saqtaý salasyna erekshe kóńil bólinip jatyr. Mamandarymyz medısınasy damyǵan shetelderde tálimgerlikten ótýge múmkindik alyp otyr», - deıdi oblystyq densaýlyq saqtaý basqarmasy basshysynyń orynbasary Raıfa Safıollınova.
Azamat QASYM,
«Egemen Qazaqstan»
О́SKEMEN
Sýretti túsirgen
Esimhan ORYNBAEV