Negizgi derekter boıynsha Beıbarys sultan (1223 nemese 1225-1277) Qara teńizden soltústikke qaraı «Deshti Qypshaqta» (Qypshaqtar dalasy) dúnıege kelgen.
XIV ǵasyrdaǵy Mysyr tarıhshysy ál-Aını óziniń «Ikdý al-djýman fı tarıh ahl al-azman» («Ýaqyt turǵyndary týraly injý alqasy») eńbeginde Beıbarys bın Abdýllanyń qypshaq násilinen ekendigi týraly jazǵan. Án-Nývaırıdyń málimetteri boıynsha, Beıbarys túrki jurtynan, qypshaqtyń Elbórili taıpasynan shyqqan.
«Qazaqstan úshin, elimiz úshin búgin erekshe kún bolyp tur. Sebebi Sultan Beıbarystyń kórmesin alǵash ret elimizge alyp kelip otyrmyz. Osy ýaqytqa deıin Sultan Beıbarys týraly kórkem fılm túsirilip, birneshe spektaklder qoıyldy. Biraq Sultannyń qoly tıgen, óz qoltańbasyn qaldyrǵan erekshe jádigerleri elimizge birinshi ret ákelindi. Bul - barshamyz úshin úlken qýanysh, qýanyshymyz qutty bolsyn», - dedi Qazaqstan Respýblıkasy Mádenıet jáne sport mınıstri Arystanbek Muhamedıuly. Beıbarys taqta 17 jyl (1260-1277 jj.) otyrdy. Sultan bılik qurǵan jyldary Mysyr qýatty memleketke aınaldy. Arnalar, keme jasaý verfteri, eldiń shekaralarynda áskerı bekinister, Kaırde saraılar men meshitter salyndy, qolóneri, eginshilik, ǵylym, saýda, óner salalary damydy. Arab Respýblıkasy Egıpet Kóne ister mınıstrliginiń Islam sektorynyń Tóraǵasy Alsaıd Helmı Ezzat Marı Beıbarys sultannyń móri ispettes arystan tańbasy bar emblemasyn erekshe atap ótti. «Osy qasıetti jerde týylyp, Mysyr jerine qyzmet etken Beıbarys - óte dana sultan. Ol - óziniń batyrlyǵymen, otan súıgishtigimen, elin, jerin qorǵaý arqyly álemge tanylǵan sultan. Sizder kýá bolyp turǵan kórmege Sultan ómir súrgen kezeńniń túrli zattary qoıyldy. Mundaǵy basty jádiger - Beıbarystyń batyrlyǵyn, sultandyǵyn, erekshe erligin sıpattaıtyn, onyń arystan beınelengen emblemasy», - dedi ol.
Beıbarys sultan Palestına men Sırııada Irandaǵy mońǵol elhandaryna jáne eýropalyq kresshilerge toıtarys bergen soǵystarymen tanymal. Halyq Abýl-Fýtýh «Jeńisterdiń atasy» dep ardaqtaǵan Beıbarys Shyǵystyń kórnekti qolbasshysy. Kórmege Beıbarys sultannyń ómiri men el bıleý tarıhyn baıandaıtyn Islam óneri mýzeıi (Kaır q., Mysyr) jınaǵynan jádigerler qoıyldy.