Etnıkalyq qazaqtar úshin kelý jáne jáne azamattyq alý rásimderiniń ońaılatylýyna baılanysty, ótken jyly, elimizge 16 myńnan astam oralman otbasy kóship keldi. Bul 2015 jyly Otanyna oralǵandarǵa qaraǵanda 8 esege artyq kórsetkish.
Degenmen, kelgen qandastarymyzdyń basym bóligi turǵylyqty jeri retinde Astana men Almaty qalalaryn jáne ońtústik óńirlerdi tańdaǵandyqtan, bul rette soltústik óńirlerge qonystanýdyń teris saldosy ulǵaıdy.
Jalpy, 1991 jyldan 2017 jyldyń 1 sáýirine deıin 1 mıllıonnan astam etnıkalyq qazaq tarıhı atamekenine oralyp, oralman mártebesin aldy. 2016 jyly - 16,4 myń otbasy (33 754 adam), 2017 jyldyń 1 toqsanynda - 2,6 myń otbasy (4,9 myń adam). Osy oraıda 2016 jyly elimizge qonys aýdarǵan tulǵalardyń eńbekke jaramdy úlesi 56 paıyzdy qurasa, 18 jasqa deıingi balalar - 39% jáne zeınetkerler - 47% boldy. 2017 jyly elge oralǵandardyń 26,4%-yn 18 jasqa deıingi balalar, 67,3%-yn eńbekke jaramdy jandar, 6,3%-yn zeınetkerler ıelendi.
Atp óter bolsaq, kósh bet túzegen negizgi elderdiń ishinde byltyr jáne bıyl О́zbekstan (tıisinshe 2016 jyly 62% jáne 2017 jyly 54,5%), Qytaı ( 2016 jyly 14% jáne 2017 jyly 33,4%), Mońǵolııa (2016 jyly 9% jáne 2017 jyly 2,1%), Túrkimenstan ( 2016 jyly 6,7% jáne 2017 jyly 4,6%) memleketteri erekshe kózge túsedi.
Tlyqtyryp ketsek, 2016 jyly, qonys aýdarýshylardy qabyldaýda 7 óńir (Aqmola, Atyraý, Shyǵys Qazaqstan, Batys Qazaqstan, Qostanaı, Pavlodar jáne Soltústik Qazaqstan oblystary) jáne kóshtiń qaınar kózi retinde 4 óńir (Almaty, Jambyl, Mańǵystaý jáne Ońtústik Qazaqstan oblystary) belgilengen. Joǵaryda keltirilgen óńirlerge qonys aýdarýdy uıǵarǵan otandastarymyzǵa kósh shyǵyndaryn jabatyn jáne bir jyl boıy baspana jaldaýǵa qajet qarjyny óteıtin qarjy bólinedi. 2017 jyly 2,7 myń azamattyń qonys aýdarýyna sýbsıdııa tóleý kózdelgen.
Aǵymdaǵy jyly Mınıstrlik tarapynan 2017-2021 jyldarǵa arnalǵan Kóshi-qon saıasaty tujyrymdamasyn jasaý qolǵa alynyp, onda kóshi-qon úderisin tıimdi túrde retteý, ornyqty demografııalyq órkendeý men eldegi bilikti jumys kúshine suranysty qamtamasyz etý, ulttyq qaýipsizdikti nyǵaıtý máseleleri kórinis tabatyn bolady.