Mınıstrdiń málimetinshe, festıvalǵa Eýropa men Azııanyń jetekshi teatrlary, tanymal synshylar, dramatýrgter, Qazaqstan men TMD elderiniń mədenıet jəne óner qaıratkerleri, mereıtoı ıesiniń ataqty dostary jəne Asanəli Əshimovtyń shyǵarmashylyǵymen jaqynyraq tanysýǵa nıet bildirgen jas aktıorlar qatysady.
17-26 maýsym aralyǵynda ótetin festıval kúnderi astanamyzdyń turǵyndary men qonaqtary úzdik teatr ujymdary qoıylymdaryn Beıbitshilik jəne kelisim saraıy, "Astana balet" teatry, Oqýshylar saraıy jəne Jastar teatry sahnalarynda tamashalaı alady.
«Festıvalǵa Eýropa men Azııanyń tanymal jetekshi ujymdary - A.P.Chehov atyndaǵy Máskeý kórkem teatry (Reseı), Iаnka Kýpala atyndaǵy Ulttyq akademııalyq teatry (Belarýs), Qytaı ulttyq teatry (QHR), Daýgavpıls teatry (Latvııa), Koreı Respýblıkasynyń «Mýlkıol» teatry (Ońtústik Koreıa), Shota Rýstavelı atyndaǵy Memlekettik kásibı drama teatry (Grýzııa), Berlın drama teatry, K.Jantoshev atyndaǵy Ystyq-Kól oblystyq mýzykalyq drama teatry (Qyrǵyzstan) jáne Otandyq M. Áýezov atyndaǵy Qazaq memlekettik akademııalyq drama teatry, Q.Qýanyshbaev atyndaǵy Memlekettik akademııalyq qazaq mýzykalyq drama teatry, Astana Jastar teatry, Astana mıýzıkl teatrlary qatysady», delingen habarlamada.
Odan bólek, keshe «Sary-Arqa» kınoteatrynda Asanáli Áshimovtiń 80 jyldyǵyna arnalǵan kınoaptalyqtyń resmı ashylýy ótti. Apta boıy Astana qalasynyń turǵyndary men qonaqtary «Sary-Arqa» jáne «Kerýen-sıtı» kınopark jelilerine bara alady. Kınoseanstarǵa kirý tegin.