Ýálıhanov aýdany Bıdaıyq aýylynda 12 jasar bala men eki eresek kisi naızaǵaı túsip qaıtys boldy, dep habarlady oblystyq tótenshe jaǵdaılar departamentiniń baspasóz qyzmeti.
Qaıǵyly oqıǵa 16 maýsym kúni oryn alǵan. Aýyl turǵyndary óristen qaıtqan maldyń aldynan shyǵýǵa barǵanda naızaǵaı oınap, jańbyr quıyp sala bergen. Birinshi jaı balaǵa túsip, til tartpaı ketken. Dereý dárigerge, aýyl ákimi men ýcheskelik ınspektorǵa habarlanyp, shuǵyl kómek shaqyrtylǵan. Aýyl feldsheri men júrgizýshi oqıǵa ornyna jetkende ekinshi jaı túsip, kómek shaqyrǵan 34 jastaǵy er adam men 39 jastaǵy feldsherlik-akýsherlik pýnkttiń júrgizýshisi ajal qushqan.
О́mir Esqalı.
«Egemen Qazaqstan».
Soltústik Qazaqstan oblysy.