Otanǵa qyzmet etýden asqan abyroı joq!

– Amantaı Akramuly, «Astananyń órkendeýi – Qazaqstannyń órken­deýi» demekshi, bas qalamyzdyń tabys­ta­ry­nyń biri qoǵamdyq tártip pen janǵa jaı­ly tynyshtyqtyń nátıjesi ekeni belgili. Bul oraıda Astana qalalyq Ishki ister departamenti atqaryp jat­qan jumystardyń da aıtarlyqtaı eke­ni anyq. Osy arada áńgimemizdi el­­ordalyq ishki ister organdarynyń qa­­lyptasý kezeńinen bastasaq degen usy­­nysym bar.  – Polısııa qataryna mamandar qa­byldaý, olardy daıyndaý men tár­bı­eleý júıesi memleketimizdiń ishki is­ter organdarynyń nyǵaıýynyń ir­ge­tasy bo­lyp tabylady. Qazirgi tańda qazaq­stan­­dyq polısııanyń ózine júktelgen min­detterdi oryndaýyna, tolyqqandy qyz­met atqarýyna barlyq qajetti jaǵ­daı jasalǵan.  Memlekettiń jáne jergilikti ákim­dik­tiń qoldaýy arqasynda elordalyq ishki ister departamentiniń materıaldyq-teh­nıkalyq jabdyqtalýy joǵary deń­geıde. Sonyń dálelderiniń biri – Astana po­lıseıleriniń keýdege ilinetin beı­ne­tirkegishterdi qoldana bastaýy. Beı­­netirkegishterdi paıdalaný quqyq bu­zý­shylyqtardy tirkeý ǵana emes, oǵan qosa jemqorlyq áreketterge jol ber­meý­degi utymdy amal bolyp sanalady. Mun­daı tájirıbe oń nátıjesin berip, bú­ginde ol memlekettiń búkil aýmaǵynda qoldanylady.  Al elordamyzda respýblıkalyq jáne halyqaralyq deńgeıdegi saıası, qo­ǵam­­dyq jáne sporttyq-mádenı is-sha­ra­­lar jıi ótkiziletindikten, IID quqyq­tyq tártip pen qaýipsizdikti joǵary deńgeıde qamtamasyz etedi. Jyl basynan beri uıymdastyrylǵan 985-ke jý­yq is-shara kezinde qoǵamdyq tártip tı­isti dárejede qamtyldy. Máselen, EKSPO-2017 halyq­ara­lyq kórmesin ót­kizýge oraı tártip saq­shylaryna úl­ken jaýapkershilik júk­telgen bola­tyn. Qazirgi tańda, osy aýqymdy álemdik sharanyń bastalýyna oraı, IIM, ákimdik, basqa da ýákiletti organdarmen birlesip, qaýipsizdikti jáne nysandardyń antı­ter­rorıstik qorǵalýyn joǵary deńgeıde qam­tamasyz etýge baǵyttalǵan is-shara­lar kesheni júzege asyrylyp jatyr.  EKSPO kórme qalashyǵynyń aýma­ǵyn­da jańa polısııa bólimi qyzmet ete bas­tady. Qonaqtardyń jaılylyǵy úshin bizdiń bastamamyzben kóptegen qonaq úılerde sheteldik azamattardy tirkeýde elektrondyq júıe iske qosylyp, ol ózin aqtap otyr. Búginde qazaqstandyqtar men shetel­dik qonaqtar táýliktiń kez kelgen ýa­qy­tynda elordamyzda ózderin qaýipsiz se­zinýleri maqsatynda quqyqtyq tártipti qor­ǵaý tek kórme nysandarynda ǵana emes, Astananyń barlyq aýmaǵynda qam­ta­­masyz etilýde. Halyq kóp jınalatyn oryndarda, mádenı-kópshilik jáne sporttyq is-sha­ra­lar ótkiziletin oryndarda qyl­mys­tar men quqyq buzýshylyqtarǵa qarsy jedel áreket etý úshin zamanaýı tehnıkamen to­lyq jabdyqtalǵan arnaıy avtobýs­tarda Astana qalasy IID jyljy­maly ke­zekshi jedel-tergeý toby kezek­shilik etedi. Atalǵan shaǵyn toptyń quramynda tergeýshiler, krımınalıster, jedel qyzmetkerler, ýchaskelik polısııa ıns­pektorlary, júrgizýshi-polıseıler jáne aǵylshyn tilin meńgergen eriktiler bar.  – Bul oraıda, halyqaralyq kór­meniń mártebesin eskere otyryp, tár­tip saqshylarynyń qyzmettik jáne ká­sibı daıyndyǵynyń deńgeıine de basa nazar aýdarylǵan shyǵar?  – Árıne. Ishki ister departamentiniń 600-den astam polısııa qyzmetkeri aǵyl­shyn tilin meńgerý kýrsynan ótip, sertı­fı­kattardy ıelendi. Sheteldik azamattarmen tildesý kezinde qolaılylyq úshin arnaıy jadynamalar men úsh tildegi sóz­dikter daıyndaldy. Eýropadaǵy qaý­ipsizdik jáne ynty­maq­tastyq uıymynyń ókilderi IID qyz­met­ker­lerine adamdar tobyn basqarý boıynsha sabaqtar ót­kiz­di. Sonymen qatar, biz kópshilik is-sharalardy ót­kizý kezinde «profaılıng» tásilin qol­daný boıynsha semınar-trenıngter júr­gizemiz.  Oǵan qosa, departament qyzmet­kerleri tu­raqty negizde túrli halyq­ara­­lyq fo­rým­darǵa shaqyrtylady. Má­selen, bıylǵy jyly Astana qalasy IID delegasııasy Býdapesht jáne Beıjiń qalalarynda ótken konferensııalarǵa qatysty. Qyzmettik mindetterin oryndaý kezinde polıseıler bastaryn túrli qaýip-qaterge tigetindigi jasyryn emes. Sondaı ekstremaldy jaǵdaılarda tıimdi áreket etý ǵana adam ómirin saqtap qala alady. Bizdiń qyzmetkerler oqys oqıǵa jaǵdaılarynda erlik pen batyldyqtyń úlgisin kórsetýge árkez daıyn. Sońǵy jyl­dary qylmyskerlerdi ustaý bary­syn­da bir qyzmetker kóz jumyp, altaýy pyshaq jaraqatyn aldy. Soǵan oraı ótken jyly qarýlanǵan qylmyskerlerdi quryqtaý kezinde kórsetken erligi úshin Elbasy Jarlyǵymen elordalyq depar­ta­menttiń bir qyzmetkeri «Aıbyn» orde­nimen jáne ekeýi «Erligi úshin» medaldarymen marapattaldy.      Kadrlyq saıasattyń mańyzdy baǵyty – otbasylyq áýlet. Árbir ata-ana úshin balasynyń ózderiniń izin qýyp, tańdaǵan m­a­mandyǵyn jalǵastyrýy qýantarlyq jaıt. Dál osyndaı otbasylarda qyzmet, min­­detke degen syı-qurmet, adaldyq bala kezden bastap qalyptasady. El­or­dalyq ishki ister departamentinde 20-dan astam polısııa áýleti bar, onyń ishin­­de keıbireýiniń quqyq qorǵaý or­gan­­daryndaǵy tájirıbeleri 120 jyldan asady.  Tártip saqshylarynyń áleýmettik máselelerin sheshýde qalalyq ákimdiktiń kórsetetin qoldaýyn atap ketken jón. О́tken jyly memlekettik túrǵyn úı qorynan IID qyzmetkerlerine 50-den astam páter men kottedj túrindegi 10 úı bólindi. Osy jyldyń mamyr aıynda 100-den astam jas polıseı jańa jataq­ha­nalardyń bólmelerine ıe boldy. Bul jal­­ǵyzbasty qyzmetkerlerge otbasy qur­ǵansha úlken kómek dep oılaımyn.  – Keıin saqshy bolamyn dep armandaǵan jastarǵa qandaı tárbıe kórsetilip, ónege beriledi? – Qazaqstan Respýblıkasynyń mem­le­kettik mereke kúnderine oraı, biz dás­túrge aınalyp ketken jappaı sport­tyq is-sharalardy uıymdastyramyz. Oǵan polısııa qyzmetkerleri, otbasy músheleri jáne ishki ister organdarynyń ardagerleri belsene atsalysady. О́ske­leń urpaqpen de tyǵyz jumys istep­, bizdiń ba­s­tamamyzben balalarǵa ar­nal­ǵan aýla klýby uıymdastyryldy. Máselen, Qa­zaqstan polısııasynyń 25 jyldyǵy qar­sańynda balalarǵa arnalyp «Jas qyran» atty jańa aýla shahmat klýby ashyldy. Sabaqty táji­rı­besi joǵary jattyqtyrýshy, shahmat boıynsha sport sheberi, ishki ister organynyń zeınetkeri, otstavkadaǵy mılısııa podpolkovnıgi G.Shalagın ótkizedi. Buǵan qosa 2014 jyl­dan bastap elordalyq IID Astananyń balalar úıiniń tárbıelenýshilerin qam­qor­lyq­qa alyp, túrli mádenı jáne sporttyq is-sharalardy uıymdastyrady. IID bólinisteri ashyq esik kúnderin ótkizip, oqýshylardyń demalysy kezinde balalar IID sport keshenindegi basseınge barady.  Osy tarapta aǵa býyndy da nazardan tys qaldyrmaımyz. Merekelerde qarttar men múmkindigi shekteýli jandar turatyn me­dısınalyq-áleýmettik mekemelerge baryp, konserttik baǵdarlamamen kó­ńilderin kóterip, syılyqtar tabystaımyz. Balalar úıin qamqorlyǵymyzǵa al­ǵandaı atalǵan mekemeni de eleýsiz qal­dyrmaýdamyz. Astanalyq tártip saq­shy­lary, sondaı-aq, áleýmetik jaǵynan az qamtylǵan otbasylarǵa kómek kórsetýge baǵyttalǵan túrli aksııalarǵa dástúrli túr­de atsalysyp turady. «Mektepke jol» aksııasynyń sheńberinde áleýmettik ja­ǵynan az qamtylǵan otbasynyń balalaryna demeýshilik járdem jasalyndy. Atalǵan osyndaı kómekti IID qyz­met­ker­leri óz qarajat­tarynyń esebinen jasaıdy.  Sózimdi qorytyndylaı kelgende aıtarym, Astanada azamattardyń qaýip­siz­di­gi men tynyshtyǵynyń qorǵany bolý – tártip saqshylary úshin bir jaǵynan min­­det bolsa, ekinshi jaǵynan maqtanysh pen qur­met bolyp tabylady. О́ıtkeni, Otanǵa adal qyzmet etkennen artyq abyroı joq. – Áńgimeńizge rahmet.

Áńgimelesken  Aleksandr TASBOLATOV, «Egemen Qazaqstan»