Keshe Memleket basshysy Nursultan Nazarbaev Bas prokýror Ashat Daýylbaevty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
A.Daýylbaev Prezıdentti eldegi zańdylyqtyń jaı-kúıi men quqyq tártibi týraly habardar etti, sondaı-aq Memleket basshysynyń tapsyrmalarynyń oryndalý barysy jaıly baıandady. Talqylaý kezinde túzeý mekemelerindegi zańdylyqtyń jaı-kúıi týraly, qorshaǵan ortany qorǵaý salasyndaǵy, dinı ekstremızm men terrorızmge qarsy is-qımyl jóninde júrgizilgen jumystar týraly, azamattardyń eńbek quqyǵyn qorǵaý jónindegi máseleler kóterildi.
Kezdesýdiń qorytyndysy boıynsha Memleket basshysy elde azamattardyń quqyqtary men bostandyqtarynyń, memleket pen qoǵam múddeleriniń saqtalýyn qamtamasyz etýge baǵyttalǵan zańdylyq pen quqyq tártibin odan ári nyǵaıtý jáne zań shyǵarý qyzmetin jetildirý týraly naqty tapsyrmalar berdi.