«Jyǵylǵan kúreske toımaıdy» degen ras-aý. Kásiporyn osydan eki aı buryn suıyq otynnyń baǵasyn 30 paıyzǵa ósirý týraly qaırylyp, taýlary shaǵylǵan bolatyn. Bul joly basqa jaqtan tasymaldanatyn gaz qunynyń qymbattyǵyn, eńbekkerler jalaqysynyń tómendigin, kópten beri jóndeý jumystarynyń júrgizilmegendigin taǵy da alǵa tartyp otyr. Monopolıst kompanııanyń usynysy qabyldansa, bir tekshe metr kógildir otynnyń baǵasy 383 teńgeden 459 teńgege biraq sharyqtaıdy.
Qoǵamdyq tyńdaýǵa qatysqan turǵyndar gaz baǵasyn ósirýge esh negiz joq dep otyr. Ardagerler keńesi janyndaǵy áleýmettik-turmystyq máseleler jónindegi turaqty komıssııanyń tóraǵasy Amangeldi Kenjeǵojınovtyn aıtýynsha, baǵany 19,8 paıyzǵa kóterý esh aqylǵa syımaıdy. Gazgolderler almastyrylmasa, jańa gaz qurylǵylary ornatylmasa, qandaı shyǵyn shegip otyǵany túsiniksiz deıdi.
Esterińizge sala ketsek, gaz baǵasy byltyr bes paıyzǵa qymbattaǵan bolatyn.
О́mir Esqalı,
«Egemen Qazaqstan».
Petropavl