Ekijaqty yntymaqtastyqqa – shırek ǵasyr

Memlekettik hatshy kez­desý barysynda Ato Braýn Dú­nıe­jú­zilik banktiń Qazaq­stan­daǵy ókili bolyp taǵaıyn­da­lýy­men quttyqtady. Gúlsha­ra Ábdi­qa­lyqovanyń aıtýyn­sha, Dú­nıe­júzilik bank táýelsiz­di­gimizdiń alǵashqy jyldarynan beri eli­mizben baılanys ornatyp, eko­nomıkanyń kúrdeli kezeń­derin­de árdaıym qoldaý kórsetip keledi.

Bıyl ekijaqty yntymaq­tas­tyqqa 25 jyl tolyp otyr. Osy ýaqyt ishinde Dúnıejúzilik bank­tiń qoldaýymen jalpy quny 8,1 mlrd AQSh dollaryn quraı­tyn 46 joba iske asyrylǵan. Olar­dyń kóbi avtomobıl joldary, bilim berý, densaýlyq saqtaý, ınno­vasııa, orta jáne shaǵyn kásip­kerlik sekildi mańyzdy salalar­dy qoldaýǵa baǵyttalǵan. Memle­kettik hatshy búginge deıingi birlese atqarylǵan jumystar nátıjeli bolǵanyn atap ótip,  bul saladaǵy áriptestik ári qaraı jalǵasatynyna senim bildirdi.

– Osydan birneshe jyl buryn bıznesti damytýǵa, áleýmettik salany órkendetýge qatysty Dúnıe­júzilik bankpen birqatar kelisimder jasalǵan bolatyn. Solardyń barlyǵy sátimen júzege asyrylyp jatyr. Búginde Qazaqstan Úshinshi jańǵyrýǵa qadam basty. Elimiz ekonomıkanyń jedeldetilgen tehnologııalyq jańǵyrtylýyna, sıfrly tehnologııany qoldaný arqyly qurylatyn jańa ındýs­trııalardy órkendetýge erekshe kóńil bólip otyr. Memleket damýyndaǵy mundaı mańyzdy mindetterdi júzege asyrýǵa Dúnıejúzilik bank te ózindik úlesin qosyp, qoldaý bildiretinine kúmánimiz joq, – dedi Gúlshara Ábdiqalyqova. 

О́z kezeginde Ato Braýn  bul kezdesýdiń mańyzy úlken eke­nin atap ótti. Onyń aıtýynsha, bıyl 2012-2017 jyldarǵa arnal­ǵan yntymaqtastyq jónin­degi stra­tegııalyq qujat qorytyn­dy­lanyp otyr. Kelesi jyldan bas­tap, ekijaqty áriptestik qarym-qa­ty­nas jańa deńgeıge kóterilip, baılanys salalarynyń aýqymy keńeıe túspek.

Dúnıejúzilik bank Qazaq­stan­nyń úshinshi jańǵyrýyn jáne osy maqsatty júzege asyrý jo­lyndaǵy basym baǵyttardy qol­daýǵa árdaıym daıyn. «Qazaqstan 2050 jylǵa qaraı álemdegi aldyń­ǵy qatarly 30 memlekettiń qata­ryna qosylýǵa talpynyp otyr. Sondaı-aq, jasyl ekonomıkany damytýǵa, balamaly energııa kózderin óndirýge degen yqy­lasy da joǵary. Biz óz tarapymyz­dan Qazaqstannyń básekege qabi­lettiligin arttyrýǵa, eksport kólemin ulǵaıtýǵa, tikeleı ınves­tısııa tartýǵa qolushyn beretin bolamyz. Qazirdiń ózinde energııa únemdeýdi arttyrý baǵytyndaǵy jalpy somasy 24 mln AQSh dollaryn quraıtyn joba júzege asyrylyp jatyr. Aldaǵy ýaqytta Energetıka mınıstrligimen bir­lesip, taǵy birqatar jańa bastamalardy talqylaýdy josparlaýdamyz», dedi Dúnıejúzilik banktiń  Qazaqstandaǵy turaqty ókili.

Kezdesýdiń sońynda Mem­lekettik hatshy Gúlshara Ábdi­qalyqova ekijaqty ynty­maq­tastyqtyń qazirgi qarqynyna rızashylyǵyn bildire kele, Dú­nıe­júzilik banktiń el ekono­mı­kasynyń turaqty ósimin qamta­masyz etý jo­lyndaǵy eńbegin joǵary baǵalady.

Qymbat TOQTAMURAT, «Egemen Qazaqstan»