Energııa kózderiniń 73%-y kómir óndirýmen aınalysatyn stansalardan túsetin bolsa, 18%-yn gaz ónerkásibi qamtamasyz etip otyr. Sý elektr stansalary tutynylatyn elektr qýatynyń 8%-yn beredi. Dóńgelek ústel barysynda ulttyq kompanııa ókilderi Energetıka mınıstriniń orynbasaryna suraqtaryn joldap, birqatar taqyrypty birlese talqylady. Osy oraıda ınvestorlardyń qarjysyn valıýta baǵamynyń tarıf aıyrmasy boıynsha qaıtarý máselesi kóterildi.
- Eger qarjy quıylǵannan keıin jyl ishinde teńge baǵamy 25%-dan assa, ózgeris aıyrmashylyǵynyń 30%-y tarıf boıynsha óteledi. Memleket ekonomıkanyń dollarsyzdandyrý saıasatyn júrgize kele ınvestısııalardy tikeleı qaıtara almaıdy. Búginde bizdiń ınvestorlarymyz bul sharttarmen jete tanys. Jáne áriptestikti jalǵastyryp jatyr, - dedi Energetıka mınıstriniń orynbasary Baqytjan Jaqsalıev.