Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Qazaqstan Respýblıkasynyń Úkimeti jáne О́zbekstan Respýblıkasynyń Úkimeti arasyndaǵy Qazaqstan-ózbek memlekettik shekarasy arqyly ótkizý pýnktteri týraly kelisimge 2006 jylǵy 4 qyrkúıektegi Hattamaǵa ózgerister men tolyqtyrýlar engizý týraly hattamany ratıfıkasııalaý týraly» zań jobasy qaraldy.
Hattamamen elimizdiń Beıneý stansııasyndaǵy temirjol ótkizý beketin Oazıs stansııasyna aýystyrý kózdelip otyr. Sondaı-aq, Qaplanbek, Qazyǵurt jáne Atameken avtomobıl ótkizý beketterine halyqaralyq (kópjaqty) mártebe berilip, táýlik boıy jumys isteıtin tártipke kóshedi.
Odan basqa, tek jeńil avtokólikterge arnalǵan Selınnyı jáne Syrdarııa ekijaqty (memleketaralyq) ótkizý beketteri ashylady. Bul beketterinden júk pen kommersııalyq maqsattaǵy taýar ótkizilmeıdi jáne kedendik rásimder aıasyndaǵy taýarǵa baılanysty kedendik operasııalar júzege asyrylmaıdy.
Zań jobasy Palatanyń qaraýyna jiberildi.