Memleket basshysy «Samuryq-Qazyna» aksıonerlik qoǵamy dırektorlar keńesiniń múshesi, táýelsiz dırektor Rıchard Evanspen kezdesti, dep habarlady akorda.kz.
Kezdesýde Qazaqstan Prezıdentine «Samuryq-Qazyna» aksıonerlik qoǵamynyń qazirgi jaǵdaıy jóninde málimet usynylyp, holdıngti transformasııalaý barysy týraly esep berildi.
Taraptar aksıonerlik qoǵamdy odan ári damytý perspektıvalary men onyń tıimdiligin arttyrý máseleleri jóninde pikir almasty.
Sonymen qatar, Nursultan Nazarbaev pen Rıchard Evans Qazaqstannyń kólik-logıstıka salasynyń ózekti máselelerin jáne Astananyń óńirlik kóliktik hab retinde qalyptasý múmkindikterin talqylady.
Elimizdiń ekonomıkalyq damý úderisindegi óskeleń urpaqtyń rólin arttyrý máseleleri de qaraldy.