"Jýrnalısterdiń áleýmettik mártebesi týraly qarastyryp jatyrmyz. Bul másele oń sheshimin tabady dep senemiz. Bıylǵy jyldyń sońyna deıin "BAQ týraly" Zań jobasyna ózgerister engizemiz. Jobany qarastyryp jatyrmyz. Sol kezde jýrnalısterdi qorǵaý jáne olardyń áleýmettik mártebesi de eskeriletin bolady", dedi mınıstr. Onyń aıtýynsha, BAQ týraly jańa zań jobasy 2018 jyly qaralady.
Dáýren Abaev óz sózinde jýrnalısterge úı berý máselesine qoldan kelgen jumystar atqarylatynyn aıtty. "Jýrnalıster bıýdjetti mekemelerge jatpaıdy. Sebebi olar basqa jekemenshik gazetterde jumys istep, joǵary jalaqy alýy múmkin dep esepteledi. Sol turǵydan osy oı sanany ózgertý de qıynǵa soǵady. Biz bankterge baryp, úlken mekemelerge kómek suraýymyz múmkin. Basqa joldardy ázirge aıtý qıyn. Biraq memlekettik tapsyrys boıynsha kómektese alamyz. Biraq BAQ-tyń 90 paıyzy jekemenshik", dedi Dáýren Abaev.
Esterińizge sala keteıik, Astanada Aqparat jáne kommýnıkasııalar mınıstri Dáýren Abaevtyń halyqpen kezdesýi ótýde.
Aıa О́mirtaı,
"Egemen Qazaqstan"