Astanada ótetin Shetel ınvestorlary keńesiniń 30-shy otyrysy aıasynda Premer-Mınıstr Baqytjan Saǵyntaev «Shevron» atqarýshy vıse-prezıdenti Djeıms Djonsonmen munaı-gaz salasyndaǵy yntymaqtastyq máseleleri boıynsha kezdesý ótkizdi, dep habarlaıdy primeminister.kz
Kezdesý barysynda Teńiz ken ornyn keńeıtý jobasy talqylandy. Taraptar atalǵan joba Qazaqstan ekonomıkasynyń turaqty damýyna, sondaı-aq TShO-nyń barlyq seriktesterine oń mýltıplıkatıvti áser beretinin atap ótti.
«Qazaqstannyń úshinshi jańǵyrýy: jahandyq básekege qabilettilik» Joldaýynda bekitilgen Memleket basshysynyń tapsyrmalaryn iske asyrý aıasynda munaı-gaz sektoryn tehnologııalyq jańǵyrtýǵa erekshe kóńil bólindi.
Sonymen qatar, taraptar Astanada ótip jatqan EKSPO-2017 kórmesin talqylady.