Jalpy joba aıasynda 472 oryn aqyly bolady. Qazirgi tańda avtokólik ıelerine Nurjol saıajolynda tarıftiń quny, tólem tásilderine qatysty jalpy turaqty paıdalaný erejeleri túsindirilýde.
«Ázirge turaqqa kólikti qoıý úshin aqsha talap etilmeıdi. Joba testileý tártibi boıynsha iske qosyldy. Nurjol saıajolynda promoýter toptar qala turǵyndaryna jobanyń mańyzdylyǵy, kólik qoıatyn oryndardy paıdalaný qaǵıdalaryn aıtyp, túsindirýde», - dedi Astana qalasynyń kólik qoıatyn oryndardy basqarý kompanııasynyń ókili Zýrııa Ryspaeva.
Onyń aıtýynsha, bolashaqta turaqtarǵa tólem tek jumys kúnderi saǵat 8-20 aralyǵynda júrgiziledi. Túngi ýaqytta kólik qoıatyn oryndar tegin bolady.
Kólik qoıatyn oryndarǵa aqsha tóleý Nurjol saıajolyndaǵy turaqtyń mańynda ornalasqan arnaıy parkomattar arqyly júrgiziledi. Ol úshin avtomobıldi qoıǵan jerdiń nómiri men kólik quralynyń tirkeý nómirin engizý qajet ári aqshany tólep bolǵan soń túbirtekti alǵan jón. Tarıfteý mınýtpen sanalady. Sonymen qatar, paıdalanbaǵan ýaqyttaǵy aqsha turaqtyń esebinde saqtalyp qalady, ony kelesi joldary paıdalanýǵa bolady.
Turaq ornyna aqsha tólenbegen jaǵdaıda 3 AEK boıynsha (6 807 teńge) aıyppul salynady. Jyl ishinde qaıtalanǵan jaǵdaıda – 5 AEK boıynsha (11 345 teńge).
«Jalpy pılottyq aımaqta 12 parkamat ornalasqan, olardyń árqaısysynda qaı núkteni basyp, qalaı tólem júrgizý qajettigi, fıskaldy túbirtektiń berilýine deıingi paıdalaný nusqamasy naqty kórsetilgen. Nurjol saıajolyndaǵy aqyly turaqtardy engizý ýaqytyn qala ákimshiligi qosymsha habarlaıtyn bolady», - dedi Z.Ryspaeva.
UOS ardagerleri, jastaıynan múgedekter men I jáne II toptaǵy múgedekter, Altyn Qyran ordeni jáne «Halyk kaharmany» ataǵymen marapattalǵandar, kóp balaly analar, «Altyn alqa» jáne «Kúmis alqa» ıeleri, Semeı ıadrolyq polıgonyndaǵy ıadrolyq synaqtardyń saldarynan zardap shekkender, Aýǵanstan soǵysynyń ardagerleri men múgedekteri, jergilikti urys kezderi men shuǵyl áreket etý qyzmetiniń qyzmetkerleri kólik qoıatyn oryndardy tegin paıdalaný quqyna ıe.
Bolashaqta bank kartalary arqyly nemese sms-habarlandyrýlar men "Astra park" mobıldi qosymshasynyń kómegimen tólem jasaý múmkindigin qarastyrý josparlanýda.