Beıbarystan qalǵan mura

Mundaǵy maqsat – HII ǵasyr­dyń ortasynda Uly Daladan baryp 20 jyl Mysyr men Sham eline bılik júrgizgen Beıbarys sultanǵa qatysty muralarmen kóp­shilikti tanystyrý kórinedi. Beıbarys babamyz bılik qurǵan Mysyr qýatty memleketke aınaldy: jańa­dan flottar salynyp, áskerı qamal-bekinister turǵy­zyl­dy, meshit-medreseler boı kó­terip, ǵylym-bilim damydy.  Osyndaı tarıhı tulǵany ulyqtaýǵa arnalǵan kórmeniń ashylý saltanatynda sóz sóı­legen Mádenıet jáne sport mınıstri Arystanbek Muha­­medıuly: «Elimiz tur­ǵyn­dary buǵan deıin babamyz Beıbarys sultan jaıly Bolat Mansurovtyń kórkem fılmi men ár jerde sahnalanyp júrgen spektaklderdi tamashalap kelse, búgin eki eldiń mádenı-tarı­hı baı­lanysynyń arqasynda baba­myzdyń ómiri men turmysyna qatysy bar sol dáýirdiń ar­­tefakti buıymdary el­or­daǵa ákelinip, kópshi­lik­ke usynylyp otyr, bul is bolashaqta ári qaraı jal­ǵasatyn bolady», dedi.  Sonymen qatar, sharanyń qur­metti qonaǵy Egıpet Arab Respýblıkasynyń Qa­zaqstan Respýblı­ka­syndaǵy Tó­tenshe jáne óki­letti el­shisi Haısam Sa­lah Kamel Ibragım myrza áýeli qazaq­stan­dyqtardy EKSPO kór­mesiniń ashy­lýy­men qut­tyqtaı otyryp, bul jolǵy kórmege mám­lúk Beı­barys sultanǵa tıesili dú­nıelerdiń tolyq kelmegenin, Kaır qalasynda onyń qol­danǵan zattary men qarý-jaraǵy tú­gel saq­talǵan mýzeı baryn, bo­lashaqta sol eksponat­tardy túgeldeı ákelip, qazaq­stan­dyq aǵaıyndardy baba mu­rasymen qaýyshtyrý jos­pary bar ekenin jet­kizdi.  Bul retki kórmege Qu­ran aıat­tary bádizdelgen tos­ta­ǵan-tabaqtar, sol dáýir­diń tıyn-mo­netalary, alty qyr­ly aǵash san­dyq, qymbat buıymdar saq­taýǵa arnalyp qoladan ja­salǵan qulypty sandyqsha qa­tarly 22 eksponat qoıylypty.

Beken QAIRATULY, «Egemen Qazaqstan»