Sondaı-aq, oblys ortalyǵynyń aýmaǵyna eýropalyq standart úlgisindegi stasıonarly polısııa beketteri engizilýde. Búgin alǵashqy polısııa beketi ashyldy. Aldaǵy ýaqytta qala boıynsha osyndaı 14 nysan salynatyn bolady. Atalǵan beketterde polısııa qyzmetkerleriniń jumysy úshin barlyq qajetti jaǵdaılar jasalǵan. Zamanaýı jabdyqtarmen, kompıýtermen, sondaı-aq IIM-niń arnaıy bazasymen jasaqtalǵan.
Sonymen qatar, A.Toqmaǵanbetov atyndaǵy qalalyq mádenıet úıinde Qazaqstan polısııasynyń 25 jyldyq mereıtoıyna arnalǵan saltanatty shara ótti. QR Ishki ister mınıstri Qalmuhanbet Qasymovtyń Qyzylorda oblysynyń Ishki ister departamenti qyzmetkerlerin quttyqtaý jedelhaty oqyldy.
- Elbasy N.Á. Nazarbaev aıryqsha atap ótkendeı, memleketimizdiń tynyshtyǵy men halqymyzdyń beıbit ómiri, amandyǵy - bárinen qymbat. Sizderdiń qoǵamdyq tártipti qalyptastyrý, el tynyshtyǵyn qorǵaý jolyndaǵy qajyrly eńbekterińizdiń arqasynda jyl basynan beri oblys boıynsha tirkelgen qylmystyq quqyq buzýshylyqtardyń sany 11 paıyzǵa azaıdy.Oblysta aýyr jáne asa aýyr qylmystardyń ashylý deńgeıi 80 paıyzdy qurap otyr. Jalpy, óńirimizdegi qylmystylyq ahýaly jyl saıyn jaqsaryp keledi deýge tolyqtaı negiz bar,-dedi oblys ákimi.
Saltanatty shara barysynda quqyq qorǵaý organdarynyń birqatar qyzmetkerleri úkimettik jáne óńirlik marapattarǵa ıe boldy. Merekelik is-shara konsertpen aıaqtaldy.