Aımaq basshysy Qumar Aqsaqalov qoǵamdyq keńes múshelelerine óńirdiń bes aıdaǵy áleýmettik-ekonomıkalyq damýy týraly jan-jaqty áńgimelep, problemalyq máselelerge kóbirek toqtaldy.
«Naqty málimetter boıynsha aýyl sharýashylyǵy ónimderin óndirýshiler salyqty az tóleıdi, eńbekaqy mólsheri tómen. Kásiporyndarynyń byltyrǵy kredıtorlyq qaryzy – 613 mıllıard. teńge. Agroónerkásip kesheninde bes aıdaǵy ortasha eńbekaqy – 66 myń teńge ǵana», dedi Qumar Irgebaıuly.
Aýyl sharýashylyǵy taýarlaryn óndiretin iri sharýashylyqtardyń 106-sy ǵana tabysty jumys istep otyr. Astyq óndirisin ártaraptandyrý–kezek kútpeıtin basty másele . Maıly daqyldar alqaby 712 myń gektarǵa deıin ulǵaıtyldy. Bul respýblıka boıynsha barlyq maıly daqyldar kóleminiń 30 paıyzyn quraıdy. Taıaý jyldary maıly jáne burshaqty daqyldar alqabyn bir mıllıon gektarǵa deıin ulǵaıtylmaq.
Mal sharýashylyǵynda da tolǵaqty problemalar az emes. 3800-den astam seriktestikter men sharýa qojalyqtarynyń 29 paıyzy ǵana mal ósiredi
Qoldaǵy 13500 traktordyń 73 paıyzy tozǵan. Jumys istep turǵan zaýyttardyń óniminderine suranys artsa, toqtap turǵan kásiporyndardy iske qosý kún tártibinen túspek emes. Jergilikti mańyzdaǵy joldardyń 45 paıyzyn óte nashar deńgeıde. Bıyl olardy qalpyna keltirýge 10 mıllıard teńge baǵyttalady. Jyl aıaǵyna deıin 200 myń sharshy metrden astam turǵyn úı paıdalanýǵa beriledi
Jıynda sóz alǵan qoǵamdyq keńes músheleri oblys ákiminiń esebine oń baǵa berdi.
О́mir Esqalı,
«Egemen Qazaqstan».