Q. Toqaev M. Pekkarınendi jáne kúlli Sýomı halqyn el táýelsizdiginiń aldaǵy 100 jyldyǵymen quttyqtady.
Qazaqstan Parlamenti joǵarǵy Palatasynyń Tóraǵasy «EKSPO-2017» halyqaralyq kórmesine Helsınkıdiń erekshe yqylasyn atap ótti. Senat basshysynyń pikirinshe, Prezıdent Saýlı Nıınıstıoniń taıaýdaǵy Astanaǵa jumys babyndaǵy sapary jáne onyń «EKSPO-2017» kórmesindegi ulttyq pavılonyn ashýǵa qatysýy Qazaqstan men fın qatynastarynyń erekshe sıpatyn kórsetti.
«Fınlıandııa tabıǵı resýrstardy tıimdi paıdalaný men áleýmettik baǵdardaǵy ekonomıkanyń nátıjeli jumysynyń mysaly bolyp tabylady. Bizdiń Memleket basshysy damýdyń osy baǵytyn belgiledi, - dedi Q.Toqaev. – Biz energııa jınaqtaý, jańartylatyn energııa kózderin tabý jáne paıdalaný salasyndaǵy ózara is-qımyldy damytýǵa múddelimiz».
Senat Tóraǵasy Eýropalyq Odaqpen strategııalyq áriptestik turǵysynda eki memlekettiń ózara is-qımylyn jalǵastyrýdyń mańyzdylyǵyn atap ótti. Astana osyǵan baılanysty Qazaqstan men Eýropalyq Odaq arasyndaǵy keńeıtilgen áriptestik jáne yntymaqtastyq týraly kelisimdi alǵashqylardyń biri bolyp ratıfıkasııalaǵan fın Parlamentiniń sheshimin joǵary baǵalady.
Júzdesýshiler zań shyǵarý organdarynyń dıalogy máseleleri boıynsha pikir almasty, saýda-ekonomıkalyq, tranzıttik jáne mádenı saladaǵy ekijaqty yntymaqtastyqtyń keleshegin talqylady.
M. Pekkarınen Qazaqstandy Fınlıandııanyń aımaqtyǵy mańyzdy áriptesi retinde atady jáne bizdiń memleketterimizdiń kóptarapty ózara is-qımylyn odan ári nyǵaıtýǵa senim bildirdi.