Jıynda sóz sóılegen Energetıka mınıstri Qanat Bozymbaev bul qujat arqyly Qazaqstan sońǵy bes jylda qolǵa alǵan úlken joba – «Eýrazııa» bastaý alǵanyn jetkizdi. Endi «Agip Caspian Sea B.V», «RN-Eksploreıshn», «CNPC International Ltd», «Socar», «QazMunaıGaz Eýrazııa» JShS, «NEOS GeoSolutions» sekildi álemdik kompanııalar Kaspıı mańy oıpatynyń jer qoınaýyn zertteý úshin konsorsıýmge birigedi. «Eýrazııa» jobasyn iske asyrý úsh kezeńge bólingen. Birinshisi qolda bar derekterdi tolyqtaı taldaýdy jáne jańa derekter bazasyn qurýdy kózdeıdi, ekinshisi – geofızıkalyq zertteýler. Eger mamandar ekinshi kezeńnen keıin kómirsýtegi shıkizaty qorynyń baryn dáleldese, onda úshinshi kezeń tereńdigi shamamen 15 shaqyrymdy quraıtyn barlaý uńǵymalaryn burǵylaýǵa arnalady. Qanat Aldabergenulynyń sózine qaraǵanda, mundaı asa tereń burǵylaý jumystary álemde áli júrgizilmegen. Osy kúni Premer-Mınıstr Baqytjan Saǵyntaev «Total» kompanııasynyń basshylyǵymen yntymaqtastyq keleshegin talqylady. Jıyn barysynda kompanııanyń Soltústik Kaspıı jobasyn iske asyrý jáne Qashaǵan ken ornyn paıdalaný kezinde óndiristik jáne ekologııalyq qaýipsizdikti qamtamasyz etý máseleleri sóz boldy. Baqytjan Saǵyntaev EQDB, ADB jáne «Sberbank» basshylarymen de Qazaqstannyń úshinshi jańǵyrýy aıasyndaǵy yntymaqtastyq jaıynda áńgimelesti. Sondaı-aq, Premer-Mınıstr «Deloitte» ókili O.Janmen konsaltıng salasyndaǵy yntymaqtastyq máselesin qaýzady. Kezdesýde aýdıt, salyq salý, konsaltıng jáne korporatıvtik qarjy salalarynda qyzmet kórsetý boıynsha birlesken jobalardy iske asyrý sóz boldy. Úkimet basshysy Nıderlandtyń ekonomıka mınıstri H.Kamppen kezdesýinde Qazaqstanda energetıka, munaı-hımııa, ǵarysh jáne mádenı-gýmanıtarlyq salalarda birlesken ınvestısııalyq jobalardy iske asyrýdy talqylady. Taraptar aýyl sharýashylyǵy salasynda ózara is-qımyl jasasýǵa qyzyǵýshylyq tanytyp, ǵylymı-zertteý ortalyqtarynyń deńgeıinde birge jumys isteýge erekshe kóńil bóldi. Sondaı-aq, Baqytjan Saǵyntaev «CNPC» basshylyǵymen júzdesip, birlesken jobalardy iske asyrýdyń mán-jaıyn qarady. Onyń ishinde Shymkent MО́Z-in jańǵyrtý jáne «Eýrazııa» jobasy jáne eldiń munaı-gaz salasyndaǵy yntymaqtastyǵyn odan ári damytý perspektıvalary bar. Úkimet úıinde energetıka men jańǵyrtylatyn energııa kózderin damytý boıynsha yntymaqtastyq týraly kelisimder de jasaldy. Shara barysynda «Eýrazııa», «Astana EKSPO-2017» jel elektr stansasynyń qurylysy», «Kún elektr stansasynyń qurylysy» jobalaryn iske asyrý boıynsha ózara túsinistik jáne yntymaqtastyq týraly, sondaı-aq jańǵyrtylatyn energııa kózderin damytý máseleleri boıynsha memorandýmdarǵa qol qoıyldy.
Ashat RAIQUL, «Egemen Qazaqstan»