Baıqaý qorytyndysy boıynsha «Sóz sheberi» atalymynda «Egemen Qazaqstan» gazeti mádenıet jáne rýhanııat bóliminiń meńgerýshisi, áriptesimiz Talǵat Batyrhan úzdik dep tanyldy. «Elbasy bastamalaryn halyqqa túsindirýge qosqan úlesi úshin» atalymyn «Qazaqstan» RTRK» AQ arnaıy tilshisi Dýlat Nýrkın ıelendi. «Partııa qyzmeti týraly eń úzdik materıal úshin» atalymyn Qaraǵandy oblysy boıynsha «Lıter» gazetiniń tilshisi Aınur Balakeshova ıelendi. «Erekshe pikir» atalymynda «Astana» telearnasy aqparattyq-saraptamalyq baǵdarlamalar dırektory Anar Karıntaeva úzdik televızııalyq jýrnalıst atansa, «Halyq daýysy» atalymyn «Habar 24» telearnasynyń dırektory Arman Seıitmamyt ıelendi. Sonymen qatar, «Aımaq aınasy» atalymyn «Kazahstanskaıa pravda» gazetiniń Qostanaı oblysyndaǵy tilshisi Evgenıı Ermakov pen «Semeı tańy» gazetiniń basshysy Rıza Moldasheva ózara bólisti. «Eń úzdik taldaý baǵdarlamasy» atalymy «Habar» telarnasy keshki jańalyqtar qyzmetiniń bas redaktory, «Negizinde» baǵdarlamasynyń júrgizýshisi Rýslan Ospanǵa tabys etildi. «Medıa profı» atalymyn «Qamshy Media» JShS dırektory Nurǵalı Nurtaı men baq.kz saıtynyń redaktory Erjan Jaýbaı ıelenip, ınternet basylymnyń úzdik jýrnalısteri atandy.
Aıan ÁBDÝÁLI, «Egemen Qazaqstan»