Aqmolanyń mádenı kúnderi bastaldy

Oblys ákimi óziniń quttyqtaý sózinde EKSPO-2017 halyq­ara­lyq kórmesiniń aıasynda ótip jat­qan myńdaǵan sharalardyń biri Aqmolanyń mádenı kúnderi ekenin atap ótti. «Biz ózimizdiń san qyrly baı mádenıetimizdi, ólkemizdiń biregeı dástúrin Astana jurtshylyǵyna usynyp jatqanymyzǵa qýanyshtymyz», dedi ákim. Ol sondaı-aq, Aqmola ob­ly­sy ESKPO-ǵa jıylǵan qo­naqtar legin kútetinin má­lim­dedi. О́ıtkeni, oblys aý­ma­ǵyn­da elimizdiń tabıǵaty ta­­ma­­sha jerleri – Býrabaı men Qorǵaljyn qoryǵy bar. Ási­re­se, sheteldik qonaqtardyń osy bir ásem jerlerdi aralaıtyny sóz­siz.  Sonymen, Aqmola obly­sy­nyń mádenı kúnderi 20-25 maý­sym aralyǵyn qamtıdy. Alǵashqy sharalar legi ótip te úlgerdi. Mysaly, «Arqanyń kerbez sulý Kókshetaýy» gala-kon­serti úlken anshlagpen ótti. 22-25 maýsym aralyǵynda «Qazanat» ıppodromynda ornalasqan «etnoaýylda» Kók­­shetaý qalasy men Qor­ǵal­jyn, Býrabaı, Shortandy aý­dan­­- darynyń sheberleri tabıǵı ma­terıaldardan jasalǵan buı­ymdaryn satylymǵa qoıady, oǵan qosa sheberlik synyptaryn ót­kizedi. Sondaı-aq, osy jerde «Da­la syry» konserti ótedi. Jalpy, Aqmola oblysynyń má­denı kúnderi aıasynda kóp­shi­likke «etnoaýyldyń» amfı­te­atrynda oblystyq orys dra­ma teatry «Shyńǵys han» rok-operasyn, Sh.Qusaıynov atyn­da­ǵy qazaq mýzykalyq-dra­ma te­atry «Kókshe áýenderi» kon­se­r­t­­tik baǵdarlamasyn usynady. Atalmysh teatrlar elordadaǵy «Jastar» saraıynda da birqatar dramalyq týyndylaryn sahnaǵa shyǵarmaq. 

 Aıgúl SEIILOVA, «Egemen Qazaqstan»