Uly toıdyń dúbiri

Rásimge jınalǵan jurtqa qoshemet bildirgen Dúnıejúzi qazaqtarynyń qaýymdastyǵy Tóraǵasynyń birinshi orynbasary Talǵat Mamashev myrza, alystan at terletip kelgen qonaqtarǵa ystyq yqylasyn bildire otyryp, ataýly shara quryltaıǵa qosh kelýimen quttyqtady. Odan keıin arnaıy ázir­len­gen kólikke otyrǵan qonaq­tar qala shetinde ornalasqan «Etno­aýylǵa» at basyn burdy. Bunda Aqmola oblysynyń má­denı kúnderi ótip jatyr eken. Kúmbirlegen kúı­diń únimen hám shyrqap sal­ǵan ánniń sánin keltirip qa­dirli meımandardy qarsy al­ǵan oblys ónerpazdary kóp­shilikke qazaqtyń salt-dás­túrlik rásimi «Quda túsý», «qyz uzatý», «Kelin tú­sirý», «Bet ashý» sııaqty joral­ǵy­lar­dy kór­setti.  «Etnoaýyldyń» sáni aq­shań­­qan boz úılerdiń árbi­ri­ne bas suqqan aǵaıyndar ult­tyq qoldanbaly óner túr­lerin ta­ma­shalap, aq kúmisti qaq­taı zerlegen alqa-syrǵa, kón bylǵarydan oımyshtap ja­saǵan saba-torsyq, tiri jún­di pisirip órmekshelep oıý salǵan kilemshelerdi ja­ǵalaı kórip shyqty. Úıde qal­ǵan týys-juraǵatqa tábárik bolsyn dep úzip-julyp alyp jatqandar barshylyq. Myna bir shette túlekte otyr­­­ǵan qońyr búrki­tin kó­te­rip qusbegiler saıat­shy­lyq­tyń sá­nin kórsetse, orta­da­ǵy kil­em­de jas balýandar bel­sen­di bel­de­sýdiń óren úlgisin kór­setti.  Osylaı atam qazaqtyń baı­­yr­ǵy kóshpendi ómiriniń óne­gesin kórgen sheteldik qa­zaq­tar biri basyn shaıqap, tańdaıyn qaqsa, ekinshileri, mundaı el bergen, onyń erteńi nurly, bolashaǵy baıandy bolaryna sengen rıza keıippen batystan jelpı soqqan samal jeldiń ótine keýdesin kerip, alshań basyp bara jatty... Osy alqaly jıynnyń bel ortasynan qazaqjandy apamyz Asyly Osmandy jolyqtyryp: − Búgingi mereıli mereke jaıly ne aıtasyz? – dep edik, apamyz kósilip qoıa berdi: – Dúnıejúzi qazaqtary qu­ryl­taıynyń máni de, jóni de basqa. О́ıtkeni, adam balasy úshin saǵynysh ta bir baqyt. Sol saǵynyshyn qus qanatyna arqalap eline jetken qandastarymyz uıadaı elinde urpaq ósirip otyrǵan siz ben bizdi kórip, kóńili marqaıyp, senimi nyǵaımaı ma?! Alla qazaqty osy baqytynan aıyrmasa eken. Qazaqqa darqandyq dalasynan daryǵan, sóıtip  bul halyq tektilikke jaryǵan. Myna aınalańda samaladaı samsap, shamshyraqtaı shalqyp turǵan boz úılerge qaramaısyz ba, qandaı kórkem úılesim. Aqyl-esi saý adam qýanyshqa qýana bilýi kerek qoı. Osyny syrttan kelip kórgen qazaq óziniń qazaq bolyp týǵanyna qýanbaı ma?! Alla elimdi dalasymen, halqymdy Nazarbaev sııaqty danasymen, sábıdi anasymen, azamattardy oıly sanasymen saqtaǵaı, – dep aqjarma sózin qaıyrdy.   Kún eńkeıgende «Etno­aýyl­dan» qaıtqan qonaqtar kesh­­ke «Astana opera» teat­ry­na baryp «Qyz Jibek» qoı­y­ly­myn tamashalady. Uly toı­dyń jalǵasy, ıaǵnı quryl­taı­­dyń ashylý saltanaty búgin ótip, senbi kúni josparly is-sha­ralar jalǵasyn tabady. 

Beken Qaıratuly, Ularbek Nurǵalym, Sýretti túsirgen Orynbaı Balmurat «Egemen Qazaqstan»